ជាតិ
សង្គមជាតិ
EDCផ្អាកផ្គត់ផ្គង់អគ្គិសនី៤ថ្ងៃជាប់គ្នាតាមពេលវេលានិងកន្លែងផ្សេងគ្នា
× អគ្គិសនីកម្ពុជា នឹងផ្អាកការផ្គត់ផ្គង់អគ្គិសនី នៅតំបន់ភ្លើងមួយចំនួន រយៈពេល៤ថ្ងៃជាប់គ្នាទៅតាមពេលវេលានិងទីកន្លែងមួយចំនួន ដើម្បីសម្រួលដល់ការអនុវត្តការងារជួសជុលផ្លាស់ប្តូរ ដំឡើងបរិក្ខារ រុះរើគន្លងខ្សែបណ្តាញ និងដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ។ ការផ្អាកការផ្គត់ផ្គង់អគ្គិសនីនឹងចាប់ផ្តើមពីម៉ោង៩ព្រឹក រហូតដល់ម៉ោង៥ល្ងាចរាល់ថ្ងៃចាប់ពីថ្ងៃទី៥ដល់ថ្ងៃទី៨ខែកុម្ភៈ។នេះបើយោងតាមសេចក្តីជូនដំណឹងរបស់អគ្គិសនីកម្ពុជា។
បើតាមសេចក្តីជូនដំណឹងនៅថ្ងៃទី៥ខែកុម្ភៈនេះ អគ្គិសនីម្ពុជានឹងផ្អាកការផ្គត់ផ្គង់អគ្គិសនី នៅតំបន់ភ្លើងលេខ P០៦៤ P៩៦៣ស្ថិតនៅភូមិថ្មគោល ភូមិត្រពាំងក្រឡឹង សង្កាត់ចោមចៅ ខណ្ឌពោធិ៍សែនជ័យ តំបន់ភ្លើងលេខ P៦១៦P២៤២P១០០២ស្ថិតនៅភូមិច្រេសសង្កាត់ភ្នំពេញថ្មីខណ្ឌសែនសុខ តំបន់ភ្លើងមួយចំនួនស្ថិតនៅតាមបណ្តោយផ្លូវលេខ៩២សង្កាត់កន្ទោកខណ្ឌពោធិ៍សែនជ័យ និងតំបន់ភ្លើងលេខប.ត៥៥៨ប.ត៥៥៨A ក្នុងសង្កាត់ឃ្មួ្ញ ខណ្ឌឫស្សីកែវ។
សេចក្តីជូនដំណឹងបន្តថា នៅថ្ងៃទី៦ខែកុម្ភៈ អគ្គិសនីម្ពុជានឹងផ្អាកការផ្គត់ផ្គង់អគ្គិសនី នៅតំបន់ភ្លើងលេខP៤៣១ស្ថិតនៅភូមិជ្រៃកោងសង្កាត់ចោមចៅ ខណ្ឌពោធិ៍សែនជ័យតំបន់ភ្លើងលេខប.ត៣៥៩ស្ថិតនៅតាមបណ្តោយផ្លូវត្រសក់ផ្អែម ក្នុងសង្កាត់ផ្សារថ្មី២ ខណ្ឌដូនពេញតំបន់ភ្លើងលេខP២៩៨៧P២៩៨A P១០២៤ ស្ថិតនៅក្នុងភូមិព្រែកប្រា សង្កាត់ព្រែកប្រា ខណ្ឌច្បារអំពៅ។
បើតាមសេចក្តីជូនដំណឹងរបស់អគ្គិសនីកម្ពុជាដដែលនៅថ្ងៃទី៧ខែកុម្ភៈ អគ្គិសនីម្ពុជានឹងផ្អាកការផ្គត់ផ្គង់អគ្គិសនី នៅតំបន់ភ្លើងលេខ P៤៣១ស្ថិតនៅភូមិជ្រៃកោងសង្កាត់ចោមចៅ ខណ្ឌពោធិ៍សែនជ័យតំបន់ភ្លើងមួយចំនួនដែលស្ថិតនៅតាមបណ្តោយផ្លូវជាតិលេខ៣ស្ថិតនៅភូមិជ្រៃកោង ភូមិព្រៃសណ្តែក សង្កាត់ចោមចៅ ខណ្ឌពោធិ៍សែនជ័យតំបន់ភ្លើងមួយចំនួនដែលស្ថិតនៅតាមបណ្តោយផ្លូវជាតិលេខ៦Aសង្កាត់ជ្រោយចង្វារខណ្ឌជ្រោយចង្វារនិងតំបន់ភ្លើងលេខP១៣៤៤PT៧៤៨PT៩៩០P៧៨២ ស្ថិតនៅភូមិបឹងឈូកភូមិតាង៉ូវក្នុងសង្កាត់និរោធខណ្ឌច្បារអំពៅ។
ដោយឡែកថ្ងៃទី៨ខែកុម្ភៈ អគ្គិសនីម្ពុជានឹងផ្អាកការផ្គត់ផ្គង់អគ្គិសនី តំបន់ភ្លើងមួយចំនួនដែលស្ថិតនៅភូមិទឹកថ្លាភូមិផ្សារដីហុយសង្កាត់ភ្នំពេញថ្មីខណ្ឌសែនសុខតំបន់ភ្លើងលេខប.ត៩៣៩ស្ថិតនៅតាមបណ្តោយផ្លូវជាតិលេខ១ ក្នុងសង្កាត់និរោធខណ្ឌច្បារអំពៅ និងតំបន់ភ្លើងមួយចំនួនស្ថិតនៅភូមិត្រពាំងថ្លឹងភូមិលូប្រាំភូមិទ្រាសង្កាត់ចោមចៅ ខណ្ឌពោធិ៍សែនជ័យ។ នេះបើតាមសេចក្តីជូនដំណឹងរបស់អគ្គិសនីកម្ពុជា៕
© រក្សាសិទ្ធិដោយ thmeythmey.com