RFI
អន្តរជាតិ
១០០ថ្ងៃនៃសង្គ្រាមហ្កាហ្សា អុីស្រាអែលប្តេជ្ញាមិនបញ្ឈប់ការវាយប្រហារលើពួកហាម៉ាស
ភាគខាងត្បូងតំបន់ហ្កាហ្សារងការគ្រាប់អុីស្រាអែល ថ្ងៃទី ១៤មករា២០២៤ AFP
×![]()
ដោយ៖អៀង សុខម៉ិញ
សង្គ្រាមនៅហ្កាហ្សារវាងអ៊ីស្រាអែលនិងចលនាហាម៉ាសប៉ាឡេស្ទីន បានចូលដល់ថ្ងៃទី១០០ហើយ នៅថ្ងៃអាទិត្យទី១៤មករានេះ។ ស្ថានភាពមនុស្សធម៌នៅហ្កាហ្សាកាន់តែអាក្រក់ឡើង។ សម្រាប់អង្គការសហប្រជាជាតិ ជម្លោះមរណៈ១០០ថ្ងៃបានប្រលាក់ប្រលូលដល់មនុស្សជាតិរួម។ ប៉ុន្តែបើទោះបីជាមានការអំពាវនាវឱ្យឈប់បាញ់យ៉ាងណាក៏ដោយ ក៏អ៊ីស្រាអែលបានបញ្ជាក់យ៉ាងដាច់ណាត់បន្តធ្វើសង្គ្រាមរហូតសម្រេចកម្មវត្ថុកម្ចាត់អស់ពួកហាម៉ាសនៅហ្កាហ្សា។
“ថ្ងៃនេះជាគម្រប់ខួប១០០ថ្ងៃគត់ដែលសង្គ្រាមនៅហ្កាហ្សាបានចាប់ផ្តើម បង្ហិនបង្ហោច សម្លាប់ជីវិតមនុស្ស និងបង្ខំមនុស្សឱ្យភៀសខ្លួនធ្វើបំលាស់ទី ជួបគ្រោះអត់ឃ្លាន និងការបាត់បង់។
១០០ថ្ងៃហើយចំណាប់ខ្មាំងនិងក្រុមគ្រួសារបានរស់ក្នុងកង្វល់រងទុក្ខព្រួយ។ ១០០ថ្ងៃចុងក្រោយនេះបានក្លាយស្នាមខ្មៅប្រលាក់ប្រលូសដក់ជាប់ក្នុងស្រទាប់មនុស្សជាតិរួម”។ នេះជាប្រសាសន៍របស់Philippe Lazzarini នាយកទីភ្នាក់ងារអង្គការសហប្រជាជាតិសម្រាប់ជនភៀសខ្លួនប៉ាឡេស្ទីន (UNRWA) ដែលកំពុងបំពេញទស្សនកិច្ចនៅតំបន់ហ្កាហ្សា។ សម្រាប់តំណាងអង្គការសហប្រជាជាតិរូបនេះ សង្គ្រាមហ្កាហ្សាបានធ្វើឱ្យក្មេងមួយជំនាន់តែម្តងត្រូវរស់ក្នុងភាពបាក់ស្បាត ប្រឈមនឹងជំងឺដែលបន្តរីករាលដាល ហើយត្រូវប្រឈមនឹងគ្រោះអត់ឃ្លាន។ ១លាន៩សែននាក់ពោលគឺ៨៥%នៃពលរដ្ឋហ្កាហ្សាបានបង្ខំចិត្តចាកចេញពីផ្ទះសម្បែង។
១០០ថ្ងៃហើយចំណាប់ខ្មាំងនិងក្រុមគ្រួសារបានរស់ក្នុងកង្វល់រងទុក្ខព្រួយ។ ១០០ថ្ងៃចុងក្រោយនេះបានក្លាយស្នាមខ្មៅប្រលាក់ប្រលូសដក់ជាប់ក្នុងស្រទាប់មនុស្សជាតិរួម”។ នេះជាប្រសាសន៍របស់Philippe Lazzarini នាយកទីភ្នាក់ងារអង្គការសហប្រជាជាតិសម្រាប់ជនភៀសខ្លួនប៉ាឡេស្ទីន (UNRWA) ដែលកំពុងបំពេញទស្សនកិច្ចនៅតំបន់ហ្កាហ្សា។ សម្រាប់តំណាងអង្គការសហប្រជាជាតិរូបនេះ សង្គ្រាមហ្កាហ្សាបានធ្វើឱ្យក្មេងមួយជំនាន់តែម្តងត្រូវរស់ក្នុងភាពបាក់ស្បាត ប្រឈមនឹងជំងឺដែលបន្តរីករាលដាល ហើយត្រូវប្រឈមនឹងគ្រោះអត់ឃ្លាន។ ១លាន៩សែននាក់ពោលគឺ៨៥%នៃពលរដ្ឋហ្កាហ្សាបានបង្ខំចិត្តចាកចេញពីផ្ទះសម្បែង។
នៅ១០០ថ្ងៃសង្គ្រាមដែលបង្កឡើងដោយការវាយឆ្មក់របស់ពួកហាម៉ាសមកលើប្រជាពលរដ្ឋអ៊ីស្រាអែល នាយករដ្ឋមន្ត្រីអ៊ីស្រាអែល លោកនេតាន់យ៉ាហ៊ូ បានបញ្ជាក់ជាថ្មីថា គ្មានអ្វីអាចមកបញ្ឈប់សង្គ្រាមអ៊ីស្រាអែលប្រឆាំងនឹងពួកហាម៉ាសបានជាដាច់ខាត។ តុលាការយុត្តិធម៌ក្រុងឡាអេ ការចោទប្រកាន់របស់អាហ្វ្រិកខាងត្បូងថាអ៊ីស្រាអែលប្រព្រឹត្តអំពើប្រល័យពូជសាសន៍នៅតំបន់ហ្កាហ្សា ឬនរណាផ្សេងទៀតក៏ដោយ ក៏មិនអាចរារាំងអ៊ីស្រាអែលបានដែរ បើដរាបណាអ៊ីស្រាអែលមិនទាន់សម្រេចកម្មវត្ថុកម្ចាត់ពួកហាម៉ាសឱ្យខ្ទេចទេនោះ។ បន្ទាប់ពីនាយករដ្ឋមន្ត្រី នាយអគ្គសេនាធិការយោធាអ៊ីស្រាអែលបានធានាថា អ៊ីស្រាអែលដឹកនាំធ្វើសង្គ្រាមនៅហ្កាហ្សា ដ៏ត្រឹមត្រូវ ដើម្បីការពារខ្លួននិងសិទ្ធិរស់ដោយ សុខសុវត្ថិភាព។
ក្រោយការវាយឆ្មក់ទ្រង់ទ្រាយធំរបស់ហាម៉ាសនៅថ្ងៃទី៧តុលាមក អ៊ីស្រាអែលបានប្តេជ្ញាកម្ចាត់ពួកហាម៉ាសនេះឱ្យខ្ទេចអស់ពីទឹកដីហ្កាហ្សា តាមរយៈការបិទខ្ទប់តំបន់ហ្កាហ្សាទាំងស្រុងនិងបើកប្រតិបត្តិការវាយប្រហារបាញ់ផ្លោងផង វាយលុកលើដីផង។ នៅថ្ងៃសៅរ៍ម្សិលមិញនេះទៀត ទាហានអ៊ីស្រាអែលបានវាយប្រហារយ៉ាងសន្ធាប់លើតំបន់ហ្កាហ្សា បង្កឱ្យមានស្លាប់រាប់សិបនាក់ បើតាមក្រុមហាម៉ាស។ តាំងពីថ្ងៃសុក្រមក ជម្លោះបានរាលដាលឆ្លងដល់យេម៉ែន ដោយអាមេរិកនិងអង់គ្លេសបានបើកការវាយប្រហារលើពួកឧទ្ទាមហ៊ូទីដែលដើម្បីបង្ហាញសាមគ្គីភាពជាមួយហ្កាហ្សាបានធ្វើសកម្មភាពបង្កអសន្តិសុខប្រឆាំងនឹងនាវាដឹកទំនិញនៅសមុទ្ទក្រហម។ សង្គ្រាមហ្កាហ្សាក៏បានបញ្ឆេះឱ្យមានអំពើហិង្សាប្រយុទ្ធគ្នាជាមួយពួកហេសបូឡានៅតាមព្រំដែនអ៊ីស្រាអែលជាមួយលីបង់ និងអំពើហិង្សាប្រឆាំងផលប្រយោជន៍អាមេរិកកាន់តែច្រើនឡើងៗនៅស៊ីហ្សកដានី និងនៅស៊ីរីឬអ៊ីរាក់៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
