ជាតិ
សង្គមជាតិ
ពលករកម្ពុជាធ្វើការនៅថៃ ត្រូវបញ្ជាក់អត្តសញ្ញាណ ឲ្យបានមុនថ្ងៃទី៣០ ខែមិថុនា
× ភ្នំពេញ៖ គណៈកម្មការផ្តល់ភាពស្របច្បាប់ដល់ពលករកម្ពុជា បានប្រាប់ពលករខ្មែរ ដែលកំពុងធ្វើការនៅប្រទេសថៃ ដោយពុំទាន់មានលិខិតត្រឹមត្រូវ ត្រូវប្រញាប់មកបំពេញអត្តសញ្ញាណ ឲ្យបានមុនថ្ងៃ៣០ ខែមិថុនា ឆ្នាំ២០១៨ ។
សេចក្តីជូនដំណឹងរបស់គណៈកម្មការផ្តល់ភាពស្របច្បាប់ដល់ពលករកម្ពុជា បានបញ្ជាក់ថា ពលករកម្ពុជាដែលស្នាក់នៅ និងធ្វើការនៅប្រទេសថៃ ដែលពុំទាន់បានបញ្ជាក់អត្តសញ្ញាណ(លិខិតឆ្លងដែន PP, លិខិតធ្វើដំណើរ TD និងប័ណ្ណពលករធ្វើការនៅបរទេសOCWC) ត្រូវប្រញាប់មកបញ្ជាក់ ជាមួយក្រុមការងារអន្តរក្រសួងរបស់គណៈកម្មការផ្តល់ភាពស្របច្បាប់ នៅទីក្រុងបាងកក, ខេត្តផាធុមថានី និងខេត្តរ៉ាក់យ៉ង ។
ចំពោះពលករ ដែលបានចុះបញ្ជីជាមួយអាជ្ញាថៃ តែមិនទាន់បានទទួលប័ណ្ណមិនមែនសញ្ជាតិថៃ និងពលករបញ្ជាក់អត្តសញ្ញាណរួចហើយ ត្រូវបន្តធ្វើប័ណ្ណមិនមែនសញ្ជាតិថៃថ្មី ឬស្នើសុំទិដ្ឋាការស្នាក់នៅ និងប័ណ្ណអនុញ្ញាតការងារ ពីការិយាល័យច្រកចេញ-ចូលតែមួយ ដែលមានចំនួន៨០កន្លែង ដោយក្នុងនោះមានចំនួន៤កន្លែង នៅទីក្រុងបាងកក ៕
© រក្សាសិទ្ធិដោយ thmeythmey.com