ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
លោក ជា សុផារ៉ា បញ្ចប់ទំនាស់ដីធ្លីដ៏រ៉ាំរ៉ៃជាង១០ឆ្នាំ នៅស្រុកពីរ ក្នុងខេត្តកោះកុង
05, Jun 2018 ,
10:59 pm
រូបភាព
×
ដោយ:
ទំនាស់ដីធ្លីដ៏រ៉ាំរ៉ៃអស់រយៈពេល ១២ឆ្នាំ ត្រូវបានលោក ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ ដោះស្រាយបញ្ចប់ការតវ៉ារបស់ប្រជាពលរដ្ឋ៣១៧គ្រួសារ មកពីស្រុក បុទុមសាគរ និងស្រុកស្រែអំបិល នៃខេត្តកោះកុង នៅថ្ងៃទី៥ ខែមិថុនា ឆ្នាំ២០១៨ ដោយក្នុងមួយគ្រួសារ ទទួលបានដី ២ហិកតា និងលុយ៣ពាន់ដុល្លារ។
ការដោះស្រាយបញ្ចប់ទំនាស់ដីធ្លីដ៏រ៉ាំរ៉ៃនេះ ធ្វើឡើងនៅទីស្ដីការក្រសួងដែនដី ដោយលោក ជា សុផារ៉ា បានសន្យាថា មន្ដ្រីក្រោមឱវាទរបស់លោក ដែលជាក្រុមការងារខាងវាស់វែងដីបែកចែកដីឡូតិ៍ នឹងចុះទៅវាស់វែងបែងចែងដីឡូតិ៍ឲ្យបានរួចរាល់ ចន្លោះពីថ្ងៃទី២០ ដល់ដំណាច់ខែមិថុនា ឆ្នាំ២០១៨។
ក្រោយពីដោះស្រាយបញ្ចប់ការតវ៉ាដីធ្លីរបស់ប្រជាពលរដ្ឋ ៣១៧គ្រួសារ នៅក្រសួងដែនដី លោក ជា សុផារ៉ា បានយករថយន្ត៥គ្រឿង ដើម្បីជូនពួកគាត់ត្រឡប់ទៅខេត្តកោះកុងវិញ ដោយមិនឲ្យពួកគាត់ចំណាយថ្លៃឈ្នួលឡើយ ហើយរាល់ដំណោះស្រាយ ដែលរដ្ឋមន្ត្រីរូបនេះផ្តល់ឲ្យ គឺជាអ្វីដែលប្រជាពលរដ្ឋចង់បានតាំងពីកើតមានទំនាស់ដីធ្លីលើកដំបូង។
បើតាមការលើកឡើងរបស់ប្រជាពលរដ្ឋ មុនទទួលបានការដោះស្រាយបញ្ចប់ការតវ៉ាដីធ្លី នៅក្រសួងដែនដីព្រឹកមិញនេះ ពួកគាត់បានតវ៉ាជាច្រើនលើកច្រើនសាមកហើយទៅអាជ្ញាធរមូលដ្ឋាន ក៏ដូចជាអភិបាលខេត្តចាស់ និងអភិបាលដែលទើបតែឡើងថ្មី ប៉ុន្តែមិនមានដំណោះស្រាយណាមួយសមស្របសម្រាប់ពួកគាត់ទេ។ ចំពោះការវ៉ាម្ដងៗ អាជ្ញាធរទាំងនោះតែងប្រាប់ពួកគាត់ឲ្យរងចាំរហូតជាង ១០ឆ្នាំនៅតែគ្មានលទ្ធផលជាក់លាក់ណាមួយសម្រាប់ពួកគាត់ឡើយ។
ប្រជាពលបានបន្ថែមថា ការរងចាំដំណោះស្រាយសម្រាប់របស់ពួកគាត់ ដែលអាជ្ញាធរមានសមត្ថកិច្ចតែងតែសន្យានោះ នៅតែដដែល រហូតពួកគាត់ជាង ២០០នាក់ ក្នុងចំណោម ៣១៧គ្រួសារបាននាំគ្នាមកតវ៉ា នៅក្រសួងដែនដី ក្នុងរាជធានីភ្នំពេញ ដើម្បីឲ្យជួយរកដំណោះស្រាយដល់ពួកគាត់ ដោយសព្វថ្ងៃមានជីវភាពក្រ រស់នៅពឹងផ្អែកទៅលើដីនោះធ្វើស្រែ ចម្ការ។ ប្រជាពលរដ្ឋតវ៉ាដីធ្លី បន្តថា ការតវ៉ាដីធ្លីនេះ ពួកគាត់ ខ្ចីលុយពីធនាគារ ដើម្បីទ្រទ្រង់ជីវភាព ពីព្រោះតែគ្មានដីប្រកបមុខរបរដូចមុន ហើយការឡើងមកតវ៉ានៅក្រសួងដែនដីនេះ ដោយសង្ឃឹមថានឹងមានដំណោះស្រាយសម្រាប់ពួកគាត់ ទទួលបានដីធ្វើស្រែចម្ការវិញ។ ក្នុងករណីមិនមានដំណោះស្រាយទេ នៅតែបន្តតវ៉ាដដែល ទោះបីជាដល់ថ្ងៃបោះឆ្នោតជាតិខាងមុខក្ដី ហើយអាចនឹងមិនទៅចូលរួមបោះឆ្នោតផងដែរ បើគ្មានដំណោះស្រាយសម្រាប់ពួកគាត់។
បើតាមសេចក្ដីប្រកាសព័ត៌មានក្រសួងដែនដី ក្រោយពីដោះស្រាយបញ្ចប់ទំនាស់ដីធ្លី ប្រជាពលរដ្ឋ ៣១៧គ្រួសារបានមកតវ៉ា នៅក្រសួងដែនដី បានបញ្ជាក់ថា ដោយសារក្រុមការងារមមាញឹកក្នុងការវាស់វែងបែងចែកដីឡូតិ៍ឲ្យប្រជាពលរដ្ឋ ២០០គ្រួសារ ដែលទើបបានចាប់ឆ្នោតជ្រើសរើសឡូតិ៍រួចរាល់ ក្រុមប្រជាពលរដ្ឋ ១៧៥គ្រួសារ ដែលជិតនឹងបញ្ចប់ ក្រុមការងារនឹងបន្តចាត់ចែងបែងចែកដីឡូតិ៍សម្រាប់ ក្រុមប្រជាពលរដ្ឋ ៣១៧គ្រួសារ និង ២៦៨គ្រួសារផ្សេងទៀតសរុប ៥៨៥គ្រួសារ ដោយគ្រោងនឹងចុះវាស់វែងបែងចែកដីឡូតិ៍ឲ្យបានរួចរាល់ចន្លោះពីថ្ងៃទី២០ ដល់ដំណាចខែមិថុនា ឆ្នាំ២០១៨។
សូមបញ្ជាក់ថា ទំនាស់ដីធ្លីដ៏រ៉ាំរ៉ៃនេះ កើតឡើងតាំងពីឆ្នាំ២០០៦ មករវាងក្រុមហ៊ុន Koh Kong Plantation Co., Ltd និងក្រុមហ៊ុន Koh Kong Sugar Industry Co.,Ltd ជាមួយនឹងប្រជាពលរដ្ឋ ៣១៧គ្រួសារ ស្ថិតនៅស្រុកស្រែអំបិល និងស្រុកបទុមសាគរ ខេត្តកោះកុង៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ជា សុផារ៉ា
ទំនាស់ដីធ្លី
ប្រជាពលរដ្ឋ
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
13 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 សប្តាហ៍
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
3 ថ្ងៃ
តើពាក្យងារជា «សម្តេច» មានន័យដូចម្តេច?
5 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
3 ថ្ងៃ
អត្ថបទពេញនិយមបន្ថែម