ជាតិ
នយោបាយជាតិ
ក្រោយការដោះលែងរូបលោក និងសកម្មជន១៣រូបទៀត លោក មាជ សុវណ្ណារ៉ា ថា អ្នកនយោបាយខ្មែរឆ្លាតហើយ
× លោក មាជ សុវណ្ណារ៉ា អតីតមន្ត្រីជាន់ខ្ពស់គណបក្សសង្គ្រោះជាតិ (CNRP) បានហៅការដោះលែងរូបលោក និងសកម្មភាព១៣រូបផ្សេងទៀត ថា ជាការស្រុះស្រួលនយោបាយ ដែលឈានទៅដល់ការបញ្ចប់វប្បធម៌ហិង្សា ការលាបពណ៌គ្នា។
លោកបានថ្លែងអំណរគុណសម្តេច ហ៊ុន សែន ដែលបានជួយអន្តរាគមន៍រហូតដល់មានព្រះរាជក្រឹត្យលើកលែងទោសពីអង្គព្រះមហាក្សត្រ ហើយលោករំពឹងថា លោក កឹម សុខា ដែលជាប្រធានរបស់ខ្លួន នឹងទទួលបាននូវការដោះលែងនាពេលឆាប់ៗខាងមុខ។ លោក មាជ សុវណ្ណារ៉ា ថា សម្តេច ហ៊ុន សែន ឆ្លាត ដែលគិតពីប្រយោជន៍ជាតិ និងជាគំរូដល់ថ្នាក់ដឹកនាំជំនាន់ក្រោយ។
ក្រោយព្រះរាជក្រឹត្យលើកលែងទោស លោក មាជ សុវណ្ណារ៉ា និងសកម្មជន១៣រូបផ្សេងទៀត ត្រូវបានមន្ត្រីពន្ធនាគារព្រៃសរ ដឹកទៅកាន់គេហដ្ឋានដែលស្ថិតម្តុំផ្សារសេនជូរីប្លាសា សង្កាត់កាកាប ខណ្ឌដង្កោរ នាវេលាម៉ោង១យប់ ឈានចូលថ្ងៃទី២៨ ខែសីហា។
© រក្សាសិទ្ធិដោយ thmeythmey.com