ជាតិ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ជំងឺលើសឈាមអាចកើតមានជំពោះមនុស្សគ្រប់វ័យ មិនថាក្មេង ឬចាស់ ប្រុសស្រី ឬអ្នកមានអ្នកក្រទេ ។ ការលើសសម្ពាធឈាម គឺជាកត្តាប្រឈមមុខមួយនៃជំងឺបេះដូង ហើយវាក៏ជាជំងឺដែលអាចបង្ការបាន ឬងាយស្រួលក្នុងការគ្រប់គ្រងផងដែរ។ ជាអកុសល មនុស្សប្រមាណ ៥០ភាគរយដែលមានជំងឺនេះគឺមិនអាចគ្រប់គ្រងការលើសសម្ពាធឈាមតាមរយៈរបបអាហារ និងការផ្លាស់ប្តូររបៀបរស់នៅបានទេ។
បើសិនជាគ្រូពេទ្យប្រាប់ថា អ្នកមានជំងឺលើសសម្ពាធឈាម ហើយ យកល្អគួរតែព្យាយាមតាមដានសម្ពាធឈាមឲ្យបានទៀងទាត់។ យ៉ាងណាមិញ មានអាហារមួយចំនួនដែលអ្នកជំងឺលើសសម្ពាធឈាមគួរតែចៀសវាងដែរដើម្បីកុំឲ្យសម្ពាធឈាមលើសកាន់តែខ្លាំង ជាពិសេសផលវិបាករបស់ជំងឺនេះតែម្តង។
សាច់បីជាន់
មានហេតុផលពីរយ៉ាងដែលសាច់បីជាន់មានផលអាក្រក់សម្រាប់មនុស្សគ្រប់គ្នាដែលមានជំងឺលើសសម្ពាធឈាមនោះគឺ ជាតិសូដ្យូម និងកូឡេស្តេរ៉ុលតែម្តង។ កាលណាអ្នកញ៉ាំអាហារមានសារធាតុទាំងពីរនេះច្រើនក្នុងពេលមានជំងឺលើសសម្ពាធឈាម វានឹងធ្វើឲ្យជំងឺនេះកាន់តែធ្ងន់ធ្ងរថែមទៀតបាន។
ស៊ុបកំប៉ុង
ហេតុផលដ៏ល្អមួយដែលអ្នកគួរតែតមស៊ុបកំប៉ុងនោះគឺដោយសារតែវាមានជាតិប្រៃច្រើន។ ដូច្នេះវាក៏ដូចជាសាច់បីជាន់ផងដែរ គឺធ្វើឲ្យសម្ពាធឈាមកាន់តែលើសខ្ពស់ថែមទៀត។
អាហារចិន
បើសិនជាអ្នកចូលចិត្តញ៉ាំអាហារចិន អ្នកគួរតែនៅឲ្យឆ្ងាយពីជំងឺនេះហើយបើសិនជាសម្ពាធឈាមកំពុងតែលើសខ្ពស់ហើយ។ អ្នកជំនាញនិយាយថា មូលហេតុនៅពីក្រោយរឿងនេះគឺថា អាហារចិនមានជាតិសូដ្យូមខ្ពស់ជាងអាហារផ្សេងរហូតដល់ពីរដងឯណោះ។
ផលិតផលធ្វើពីទឹកប៉េងប៉ោះ
ថ្វីបើផលិតផលប៉េងប៉ោះមានរបស់បីយ៉ាងដែលអាចបញ្ចុះសម្ពាធឈាមបាន (ជាតិសរសៃ ប៉ូតាស្យូម និងវីតាមីន C) ក៏ដោយ ក៏វាមានជាតិសូដ្យូមខ្ពស់ដែរ។ ភាគច្រើនវាមានជាតិស្ករ ដែលអាចជំរុញដល់ការរលាក ដែលនាំឲ្យលើសសម្ពាធឈាមដែរ ។
ជំងឺលើសឈាមដែលគេបានជួបញឹកញាប់ បំផុតគឺបានធ្វើឲ្យប៉ះពាល់ផ្នែកខួរក្បាល និងបេះដូង ។ មានអ្នកជំងឺលើសឈាមជាច្រើនមិនមានរោគសញ្ញាប្រាប់ឲ្យដឹងទេ លុះត្រាតែ ធ្លាក់ក្នុងសភាពធ្ងន់ទើបអាចដឹងអំពីរោគសញ្ញា ៕
ត្រួតពិនិត្យដោយ៖ www.health.com.kh
© រក្សាសិទ្ធិដោយ thmeythmey.com
