យោងទៅលើការផ្សាយរបស់ក្រុមហ៊ុនលីគកំពូកម្ពុជា (Cambodian Premier League) គណៈកម្មាធិការរៀបចំការប្រកួតពានរង្វាន់បាល់ទាត់អាស៊ី (AFC Competition Committee) បានផ្ដល់សិទ្ធដល់កម្ពុជា ធ្វើជាម្ចាស់ផ្ទះ នៃការប្រកួត AFC U17 Asian Cup 2025TM Qualifiers វគ្គជម្រុះ។ វគ្គជម្រុះនោះ​ នឹងចាប់ផ្ដើមពីថ្ងៃទី១៩-២៧ ខែតុលា ឆ្នាំ២០២៤ ដោយមាន៤១ប្រទេសចូលរួមប្រកួត។ ដោយឡែក កាលបរិច្ឆេទ ចាប់ឆ្នោតចែកពូលនោះ សហព័ន្ធកីឡាបាល់ទាត់អាស៊ី (AFC) មិនទាន់បានបញ្ជាក់នៅឡើយទេ។
 

ក្រៅពីកម្ពុជា គណៈកម្មាធិការរៀបចំការប្រកួតរបស់ AFC ក៏បានផ្ដល់សិទ្ធធ្វើជាម្ចាស់ផ្ទះវគ្គជម្រុះនេះ ទៅ៩ក្រុមផ្សេងទៀត មានដូចជា៖ ចិន, ចិនតៃប៉ិ, ឡាវ, ហ្ស៊កដានី, គុយវ៉ែត, កាតា, សិង្ហបុរី, ថៃ និង វៀតណាម៕