លោក ញ៉ាន សុខវិសាល នាយបេសកកម្មដឹកនាំប្រតិភូកីឡា បានបញ្ជាក់ថា កម្ពុជា គឺជាប្រទេស១ ក្នុងចំណោម៣ប្រទេសផ្សេងទៀតក្នុងតំបន់អាស៊ាន ដែលមិនមានអត្ដពលិកជាប់វគ្គជម្រុះ ហើយទទួលបានសិទ្ធិអនុគ្រោះចូលរួម។ ៣ប្រទេសផ្សេងទៀតនោះ មាន៖ ឡាវ ព្រុយណេ និងទីម័រខាងកើត។ ក្រៅពីនេះប្រទេសតំបន់អាស៊ានផ្សេងទៀត ថៃ មានអត្ដពលិក៣៨នាក់, ឥណ្ឌូណេស៊ី២១នាក់, ប្រទេសម៉ាឡេស៊ី ១៨នាក់, សិង្ហបុរី ១៧នាក់, ប្រទេសហ្វីលីនពីន ១២នាក់, ប្រទេសវៀតណាម ១០នាក់ និងប្រទេសមីយ៉ាន់ម៉ា ១នាក់។
 

ដោយឡែក នាយបេសកកម្មរូបនេះ មិនរំពឹងទៅលើការដណ្ដើមបានជ័យជម្នះទេ ប៉ុន្ដែរំពឹងលើការដកស្រង់បទពិសោធន៍។ ចំណែកប្រតិភូដឹកនាំ ក៏ចូលរួមដើម្បីយកបទពិសោធន៍ពីការរៀបចំការប្រកួតព្រឹត្តិការណ៍ធំ ដើម្បីត្រៀមខ្លួនធ្វើជាម្ចាស់ផ្ទះ Asian Youth Games 2029៕