Nagelsmann ដែលទើបឈានចូលវ័យ ៣៧ឆ្នាំ នឹងត្រូវដឹកនាំក្រុមរហស្សនាមឥន្ទ្រីដែក ស្វាគមន៍ស្កុតឡែន នៅជំនួបបើកឆាកព្រឹត្តិការណ៍ជើងឯកប្រចាំទ្វីអឺរ៉ុប នៅរាត្រីថ្ងៃទី១៤ ខែកក្កដា។ គ្រូបង្វឹកក្មេងជាងគេរូបនេះ មានជំនឿចិត្តខ្ពស់ក្នុងការនាំក្រុមអាល្លឺម៉ងគ្រងជើងឯក Euro ឆ្នាំ២០២៤នេះ។
 

មិនត្រឹមជាប់ជាគ្រូក្មេងនៅ Euro 2024 នេះនោះទេ Nagelsmann ក៏ក្លាយជាគ្រូក្មេងជាងគេ ចាប់តាំងពីបង្កើតពានរង្វាន់ទ្វីបអឺរ៉ុបនេះមកម្លេះ។ មួយវិញទៀត ប្រសិនបើអតីតគ្រូ Bayern Munich រូបនេះ ជួយអាល្លឺម៉ង់ឈ្នះជើងឯកនៅឆ្នាំនេះទៀតនោះ រូបគេនឹងបំបែកកំណត់ត្រារបស់លោក José Villalonga ដែលបានដឹកនាំអេស្ប៉ាញគ្រងជើងឯកអឺរ៉ុបនេះ នៅឆ្នាំ ១៩៦៤ នៅវ័យក្មេងជាងគេ ៤៤ឆ្នាំ។