ជាតិ
ព័ត៍មានសុខភាព
សុខភាព
អ្នកដែលមានជំងឺគាំងបេះដូងអាចធ្លាប់មានរោគសញ្ញាខាងក្រោមនេះ ![](https://image.thmeythmey.com/pictures/2024/06/05/g.jpg)
×![]()
- ឈឺចំកណ្តាលទ្រូងដោយមានសភាពតឹង, ណែន ឬឈឺមួល
- ឈឺយូរត្រង់ពោះផ្នែកខាងលើ
- ភាពឈឺគឺរាលដាលពីទ្រូងទៅស្មា, ក, ថ្គាម, ធ្មេញ ឬដៃម្ខាង ឬទាំងសងខាង
- ដកដង្ហើមខ្លីៗ
- ងងឹតមុខ, វិលមុខ, ធីងធោង
- បែកញើស
- ចង្អោរ
ការគាំងបេះដូងកើតមានឡើង នៅពេលដែលភាពផ្គត់ផ្គង់ឈាម និងអុកស៊ីសែននៅក្នុងសរសៃឈាមអារទែ ប្រែក្លាយជាស្ទះមួយផ្នែក ឬស្ទះពេញតែម្តង។ ការបាត់បង់លំហូរឈាមនេះធ្វើឱ្យប៉ះពាល់ ឬបំផ្លាញផ្នែកមួយនៃសាច់ដុំបេះដូង។ ជាធម្មតា ការគាំងបេះដូងបណ្តាលឱ្យឈឺទ្រូងក្នុងរយៈពេលលើសពី១៥នាទី ប៉ុន្តែវាក៏អាចគ្មានរោគសញ្ញាអ្វីទាំងអស់ផងដែរ។
មនុស្សជាច្រើនដែលធ្លាប់មានការគាំងបេះដូងនេះ មានរោគសញ្ញាគំរាមកំហែង។ រោគសញ្ញាដែលគំរាមកំហែងដំបូងបំផុត នៃការគាំង អាចជារយៈពេលនៃការឈឺទ្រូង ដែលចាប់ផ្តើមនៅពេលដែលអ្នកធ្វើសកម្មភាពរាងកាយ ប៉ុន្តែវាត្រូវបានធូរស្រាលវិញ ដោយការសម្រាក។
ប្រសិនបើអ្នក ឬនរណាម្នាក់ផ្សេងអាចនឹងមានការគាំងបេះដូងៈ
- សូមទូរស័ព្ទទៅក្រុមសង្គ្រោះបន្ទាន់ៈ សូមកុំទុកឱ្យរោគសញ្ញានៃការគាំងបេះដូង មានរយៈពេលលើសពី៥នាទីឱ្យសោះ។ ប្រសិនបើអ្នកមិនមានលេខដើម្បីទាក់ទងទៅផ្នែកសង្គ្រោះបន្ទាន់ទេនោះ, សូមឱ្យអ្នកជិតខាង ឬមិត្តភក្តិជូនអ្នកទៅកាន់មន្ទីរពេទ្យដែលជិតបំផុត។ សូមបើកទៅដោយខ្លួនឯងនៅពេលដែលជាជម្រើសចុងក្រោយ, ប្រសិនបើគ្មានជម្រើសណាដែលធ្វើបាននោះ និងដឹងថាវាធ្វើឱ្យអ្នកដឹងថា មិនមានហានិភ័យនៅពេលដែលអ្នកបើកបរ ក្រោមស្ថានភាពបែបនេះនោះ។
- ទំពារ និងលេបថ្នាំអាស្ពីរីនៈ ប្រសិនបើអ្នកមិនមានអាឡែហ្ស៊ីនឹងអាស្ពីរីន ឬប្រសិនបើអ្នក មិនត្រូវបានគេប្រាប់ដោយគ្រូពេទ្យថា អ្នកមិនដែលលេបថ្នាំអាស្ពីរីនទេនោះ។ ប៉ុន្តែសូមស្វែងរកនូវការជួយដំបូង ដូចជាទូរស័ព្ទរកឡានពេទ្យជាដើម។
- លេបថ្នាំនីត្រូក្លីសេរីនៈ ប្រសិនបើមានវេជ្ជបញ្ជា, ប្រសិនបើអ្នកគិតថាអ្នកកំពុងមានការគាំងបេះដូង និងគ្រូពេទ្យបានចេញវេជ្ជបញ្ជាឱ្យទិញថ្នាំនីត្រូក្លីសេរីន, លេបវាដោយផ្ទាល់។ សូមកុំឱ្យនរណាផ្សេងនូវថ្នាំនីត្រូក្លីសេរីននេះ ពីព្រោះវាអាចធ្វើឱ្យស្ថិតក្នុងស្ថានភាពគ្រោះថ្នាក់។
- ចាប់ផ្តើមសង្គ្រោះផ្នែកដង្ហើម និងបេះដូងៈ ប្រសិនបើអ្នកនៅជាមួយអ្នកដែលមានជំងឺគាំងបេះដូង និងគាត់បាត់បង់ស្មារតី, សូមប្រាប់ទៅដល់គ្រូពេទ្យឯកទេសផ្នែកសង្គ្រោះ។
- អ្នកអាចត្រូវបានផ្តល់ជាដំបូន្មានឱ្យចាប់ផ្តើមធ្វើនូវការសង្គ្រោះផ្នែកដង្ហើម និងបេះដូង។ ប្រសិនបើអ្នកមិនត្រូវបានគេផ្តល់នូវការហ្វឹកហាត់អំពីការជួយសង្គ្រោះនេះទេ, គ្រូពេទ្យណែនាំឱ្ជួយសង្គ្រោះផ្នែកដង្ហើមដោយមាត់ទល់មាត់ និងឱ្យសង្កត់ទៅលើទ្រូងតែមួយមុខគត់។ អ្នកជួយសង្គ្រោះ អាចណែនាំអ្នកឱ្យធ្វើរបៀបនេះរហូតដល់ការជួយបានមកដល់៕
© រក្សាសិទ្ធិដោយ thmeythmey.com