នរណាម្នាក់ដែលធ្លាប់មានក្រួសក្នុងតម្រងនោម ដឹងយ៉ាងច្បាស់ថាវាវេទនា។ ក្រួសក្នុងតម្រងនោម វិវឌ្ឍន៍នៅពេលដែលអំបិល និងជាតិខនិជដទៃទៀត មាននៅក្នុងទឹកនោមខ្ពស់។ យូរៗ ទៅចំនួនតិចតួចៗ ដែលកកស្ទះទាំងនេះ អាចបង្កើតជាដុំថ្ម មានទំហំចាប់ពីធញ្ញជាតិ ដែលមានរាងដូចខ្សាច់ ឬក្រួសសតូច រហូតដល់ទៅជាដុំថ្មតែម្តង។
នេះគឺជាសញ្ញាព្រមានសំខាន់ៗ នៃក្រួសក្នុងតម្រងនោមដែលអ្នកគួរដឹង៖
-ឈឺខ្នង ចំហៀងខ្លួន ឬក្រលៀន
ក្រួសក្នុងតម្រងនោម អាចរកមិនឃើញរហូតដល់វាចាប់ផ្តើមធ្វើសកម្មភាព។ មនុស្សខ្លះនិយាយថា វាជាការឈឺចាប់ធ្ងន់ធ្ងរ ជាងការសម្រាលកូន។ ជួនកាល ការឈឺចាប់ក្រួសក្នុងតម្រងនោម ចាប់ផ្តើមជាការឈឺចុកចាប់ ប៉ុន្តែវាអាចឈានទៅរកការរមួលក្រពើ បានយ៉ាងឆាប់រហ័ស។
ជាធម្មតា អ្នកមានអារម្មណ៍ថា វានៅខាងក្រោយ ឬចំហៀងខ្នងរបស់អ្នក នៅក្រោមទ្រនុងឆ្អឹងជំនីរបស់អ្នក។ ការឈឺចាប់ អាចសាយភាយចូលពោះ ឬក្រលៀន។ ក្រួសក្នុងតម្រងនោមចំពោះបុរស អាចបណ្តាលឱ្យឈឺចាប់ពងស្វាស ឬចុងលិង្គ។
–មានអារម្មណ៍បោះបោកទៅមក និងងាកចុះឡើង
នៅពេលដុំថ្ម កំពុងធ្វើសកម្មភាពអ្នកដឹងអំពីវា។ វាធ្វើចលនា ដើម្បីព្យាយាមស្វែងរកទីតាំង ដែលមានផាសុកភាពជាងនេះ។
–ចង្អោរ ឬក្អួត
មានបញ្ហាក្រពះមែនទេ? បញ្ហាក្រពះ អាចជាមូលហេតុខ្លះ ប៉ុន្តែអ្នកអាចទប់វាបាន ជាមួយអាហារមួយចំនួន។
–នោមញឹកញាប់
ពេលខ្លះអ្នកដែលមានក្រួសក្នុងតម្រងនោម មានអារម្មណ៍ថាពួកគេត្រូវការនោមច្រើន។ រោគសញ្ញានេះ អាស្រ័យលើទីតាំងថ្ម។ ដុំថ្មដែលនៅជិតប្លោកនោម នឹងមានរោគសញ្ញានៃប្លោកនោមច្រើន៖ ភាពញឹកញាប់ ភាពបន្ទាន់ត្រូវការចូលបន្ទប់ទឹកយ៉ាងលឿន និងទៅក្នុងបរិមាណតិចតួច។
ហេតុផល? ដុំថ្ម ធ្វើឱ្យជញ្ជាំងប្លោកនោមរលាក ហើយវាបង្ហាញថាប្លោកនោមបានចុះខ្សោយ ដែលធ្វើឱ្យអ្នកមានអារម្មណ៍ថា អ្នកចង់ទៅនោម។
ប្រសិនបើមិនមានទឹកនោមចេញច្រើនទេ អ្នកប្រហែលជាគិតថា អ្នកមានបញ្ហាក្នុងការនោម។ ប៉ុន្តែការកន្ត្រាក់ប្លោកនោម អាចកើតឡើង ទោះបីជាប្លោកនោមរបស់អ្នកទទេក៏ដោយ។ ប្រសិនបើដុំថ្ម ពិតជាមាននៅក្នុងបង្ហួរនោមមែន វាមិនគួរមានបញ្ហាក្នុងការនោមទេ។
–ឈាមក្នុងទឹកនោម
ក្រួសក្នុងតម្រងនោម អាចធ្វើឱ្យរលាកជាលិកា ដែលងាយនឹងរលាកប្រព័ន្ធតម្រងនោម រួមទាំងផ្នែកខាងក្នុងបង្ហួរនោម។
-នោមឈឺ ឫក្តៅ
ប្រសិនបើវាឈឺចាប់ក្នុងការនោមនោះ អ្នកអាចនឹងកើតក្រួសតម្រងនោម។ មនុស្សខ្លះ ជួបប្រទះនូវការឈឺចាប់ប្រភេទនេះ នៅពេលដុំថ្មមួយ ហូរកាត់បង្ហួរនោម កាន់តែជិតនឹងប្លោកនោម។
-គ្រុន
គ្រុនក្តៅមិនមែនជារោគសញ្ញាទូទៅ នៃក្រួសក្នុងតម្រងនោមទេ។ ប្រសិនបើអ្នកក្តៅខ្លួន វាអាចអ្នកអាចមានការឆ្លងជំនួស ឬបន្ថែមលើក្រួសសក្នុងតំរងនោម។ អ្នកដែលមានក្រួសក្នុងតម្រងនោម អាចវិវឌ្ឍន៍ទៅជាគ្រុនក្តៅ ប្រសិនបើដុំថ្ម រារាំងលំហូរទឹកនោម។
“ពេលខ្លះទឹកនោមនឹងឡើងក្រហម”។ “ពេលខ្លះវាមើលទៅដូចជាតែ ឬកូឡា”៕