ជាតិ
មេបញ្ជាការកងទ័ពជើងគោកកម្ពុជា ទៅបំពេញទស្សនកិច្ចផ្លូវការនៅវៀតណាម៣ថ្ងៃ ![លោក ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក។ រូបពី ក្រសួងការពារជាតិ](https://image.thmeythmey.com/pictures/2024/06/05/tt.jpg)
លោក ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក។ រូបពី ក្រសួងការពារជាតិ
×![]()
ភ្នំពេញ៖ លោក ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោកទៅបំពេញទស្សនកិច្ចជាផ្លូវការនៅវៀតណាម រយៈពេល ៣ថ្ងៃ ចាប់ពីថ្ងៃទី៥ ដល់ថ្ងៃទី៧មិថុនាខាងមុខនេះ។នេះបើតាមសេចក្ដីប្រកាសព័ត៌មាន កងទ័ពជើងគោក។
ដំណើរទស្សនកិច្ចនេះធ្វើឡើងតាមការអញ្ជើញរបស់ លោក ទៀន វ៉ាន់ទៀ (Nguyen Van Nghia) អនុប្រធានអគ្គសេនាធិការនៃកងទ័ពវៀតណាម។ក្នុងដំណើរទស្សនកិច្ចនេះ លោក ម៉ៅ សុផាន់ នឹងជួបសម្តែងការគួរសម ជាមួយលោក ទៀងឥនគ្រឿង (Nguyen Tan Cuong) អនុរដ្ឋមន្ត្រីក្រសួងការពារប្រទេស និងជាប្រធានអគ្គសេនាធិការនៃកងទ័ពវៀតណាម។ មេបញ្ជាការកងទ័ពជើងគោក ក៏នឹងជួបពិភាក្សាទ្វេភាគីជាមួយលោកង្វៀន វ៉ាន់ទៀ ដើម្បីពង្រឹង និងពង្រីកទំនាក់ទំនង កិច្ចសហប្រតិបត្តិការលើវិស័យយោធារវាងប្រទេសទាំងពីរ។នេះបើតាមសេចក្ដីប្រកាសព័ត៌មានរបស់កងទ័ពជើងគោក។
កងទ័ពជើងគោកកម្ពុជាចាត់ទុកថា ដំណើរទស្សនកិច្ចនេះនឹងបង្ហាញពីការធ្វើឱ្យកិច្ចសហប្រតិបត្តិការកាន់តែស៊ីជម្រៅ នូវទំនាក់ទំនងដ៏យូរអង្វែងដោយឈរលើស្មារតី ភាពជាអ្នកជិតខាងល្អ មិត្តភាពជាប្រពៃណីកិច្ចសហប្រតិបត្តិការគ្រប់ជ្រុងជ្រោយ ក៏ដើម្បីផលប្រយោជន៍ទៅវិញទៅមកសម្រាប់ប្រទេសទាំងពីរ៕
© រក្សាសិទ្ធិដោយ thmeythmey.com