ក្រដាសប្រាក់រៀលចាស់ រហែក ទក់ ពលរដ្ឋអាចយកមកប្ដូរបាន នៅមុខផ្សារលើធំថ្មី ស្ថិតតាមបណ្ដោយ ផ្លូវជាតិលេខ៦ ក្រុងសៀមរាប។ ការផ្លាស់ប្ដូរប្រាក់ចាស់ៗទាំងនោះ មិនមានការបង់ថ្លៃសេវាឡើយ ឬកាត់ ទឹកឡើយ ដោយគ្រាន់តែមានគណនីធនាគារឌីជីថលដៃគូណាមួយ របស់ KHQR បាគងប៉ុណ្ណោះ។ ពោលគឺ ប្រាក់រៀលដែលយកមកប្ដូរ នឹងត្រូវទូទាត់ត្រឡប់តាមប្រព័ន្ធឌីជីថល KHQR បាគង។ 

កម្មវិធីប្ដូរប្រាក់រៀលចាស់នេះ ត្រូវបានចាប់ផ្ដើមកាលពីថ្ងៃទី០៤​ ខែមិថុនា និងថ្ងៃទី០៦ ខែមិថុនា​នេះ ប៉ុណ្ណោះ។ ​មន្ត្រីនៅទីតាំងកន្លែងប្ដូរប្រាក់ បញ្ជាក់ថា ប្រសិនបើមានការបន្តកម្មវិធីនេះ​ នៅទីតាំងដទៃទៀត នឹងជូនដំណឹងជាបន្តបន្ទាប់។ 
 

គួរជម្រាបផងដែរថា លោកអ្នកនាង ដែលមានក្រដាសប្រាក់ចាស់អាចយកមកប្តូរនៅស្តង់​របស់ធនាគារជាតិ ចាប់ពីម៉ោង៨ព្រឹក​ ដល់ម៉ោង៣រសៀល ត្រឹមថ្ងៃទី០៦ ខែមិថុនានេះ៕