ក្នុងព្រះរាជក្រឹត្យចេញថ្ងៃទី៨មិថុនា ពុំបានបញ្ជាក់ពី មូលហេតុក្នុងការបន្ថយឋានន្តរស័ក្តិឡើយ។ តែយ៉ាងណាក៏ដោយ លោក ទូច សុឃៈ អ្នកនាំពាក្យក្រសួងមហាផ្ទៃ បានប្រាប់សារព័ត៌មានថ្មីៗថា ការបន្ថយឋានន្តរស័ក្តិនេះ ដោយសារ លោក រឿង រើន មន្ត្រីនៅនាយកដ្ឋាននគរបាលការពារព្រំដែនគោក នៃអគ្គស្នងការដ្ឋាននគរបាលជាតិ អវត្តមានច្រើនដងក្នុងអង្គភាព។ លោកសង្កត់ធ្ងន់ថា៖ «គាត់ហាក់បីដូចជាបោះបង់ការងារចោល មិនមកធ្វើការរយៈពេលយូរ។ ជារួមគាត់ធ្វើផ្ទុយបទពិន័យកងកម្លាំង»។ 

 

លោក រឿង រើន ប្រឈមការដកឋានន្តរស័ក្តិ ហើយអាចឈានដល់ការបណ្ដេញចេញពីក្របខណ្ឌផងដែរ។ នេះជាការបញ្ជាក់បន្ថែមរបស់ លោក ទូច សុឃៈ៕