ខាងក្រោមនេះគឺជារឿងមួយចំនួនដែលអាចកើតឡើងបើសិនជាសួតធ្វើការមិនបានល្អទេនោះ៖

 

 

លើកលែងដែលអ្នកមានរូបរាងសមសួនស្រាប់ហើយដែលគាត់ពិបាកដកដង្ហើមក្រោយពីហាត់ប្រាណរួច ព្រោះវាជាពេលវេលាដែលរាងកាយរបស់គាត់ត្រូវការអុកស៊ីសែនច្រើនទើបតម្រូវឲ្យដកដង្ហើមញ៉ាប់ ក្រោយពីរត់កីឡា ឬឡើងជណ្តើរ។ ប៉ុន្តែវាគឺជារឿងខុសគ្នាវិញបើសិនជាអ្នកពិបាកដកដង្ហើមក្រោយពីធ្វើសកម្មភាពរាងកាយស្រួលៗបំផុតដែរនោះ។ 

 

 

ជាធម្មតា ការឈឺទ្រូងអាចកើតឡើងជាមួយនឹងការពិបាកដកដង្ហើម។ ទ្រូងអ្នកប្រហែលជាមានអារម្មណ៍ថា មានភាពតឹងជុំវិញជាពិសេសក្រោយពីធ្វើសកម្មភាពរាងកាយរួច។ យកល្អគួរតែសម្គាល់ថា ការឈឺទ្រូងអាចដោយសារតែស្រ្តេស និងថប់ដង្ហើម។ វាក៏អាចបង្កឡើងដោយការរលាកនៅឆ្អឹងខ្ចី ឬសរសៃណាមួយនៃឆ្អឹងជំនីបានដែរ។ ប៉ុន្តែវាក៏ទាក់ទងនឹងបញ្ហាណាមួយរបស់បេះដូងថែមទៀត។ 

 

 

អ្នកប្រហែលជាងាយនឹងហត់ណាស់ក្រោយពីធ្វើការងារជាច្រើនដែលអ្នកមិនធ្លាប់ធ្វើពីមុនដូចជា ជូតផ្ទះជាដើម។ ការដែលមានបញ្ហាជាមួយសួតអាចធ្វើឲ្យអស់កម្លាំងដោយសារតែសាច់ដុំមិនអាចទទួលបានអុកស៊ីសែនគ្រប់គ្រាន់។ ប៉ុន្តែវានៅតែមានបញ្ហាសុខភាពច្រើនខុសៗគ្នាដែលអាចធ្វើឲ្យអស់កម្លាំងដែរ។ 

 

 

វាគឺជារឿងធម្មតាទេដែលមានស្លេស្ម ឬកំហាកច្រើនក្នុងករណីមានជំងឺផ្តាសាយ ដោយសារតែរាងកាយកំពុងតែព្យាយាមយកឈ្នះការរលាក ឬការបង្ករោគក្នុងផ្លូវដង្ហើម។ ប៉ុន្តែវាគឺជារឿងខុសគ្នាដាច់បើសិនជាអ្នកមានស្លេស្ម ឬកំហាកច្រើនគ្រប់ពេល។ ការដែលមានករណីបែបនេះដោយគ្មានជំងឺផ្តាសាយ ច្រើនតែជាសញ្ញាបញ្ជាក់ថា មានបញ្ហាសួតរ៉ាំរ៉ៃ។ 

 

 

ចាប់តាំងពីត មានស្លេស្មច្រើនមក អ្នកប្រហែលជាធ្លាប់ក្អកគ្រប់ពេលដែរ។ អ្នកជំនាញនិយាយថា ការក្អកដែលមិនបាត់ទៅវិញក្នុងរយៈពេលមួយខែត្រូវបានគេចាត់ទុកថាជាករណីរ៉ាំរ៉ៃ ហើយវាគួរតែត្រូវបានពិនិត្យភ្លាមៗ។ វាពិតជារឿងមួយមិនធម្មតាឡើយដែលក្អកចេញឈាម ដូច្នេះចូរប្រាកដថា អ្នកបានទៅជួបគ្រូពេទ្យពិនិត្យហើយ៕