កីឡាជាតិ
ជាតិ
ម្សិលមិញប៉ូលិស ចាញ់ តែបឹងកេតឈ្នះហើយថ្ងៃនេះដល់វេនស្វាយរៀងម្ដងទៀត
× ក្រុមអគ្គស្នងការនគរបាលជាតិរបស់កម្ពុជាបានរងបរាជ័យក្រោមថ្វីជើងក្រុមយោធភូមិភាគលេខ៧របស់វៀតណាម ដោយលទ្ធផល ២ទល់ ១ កាលពីរសៀលម្សិលមិញក្នុងវគ្គជម្រុះពូលB នៃពានរង្វាន់Number One Cup 2014 ដែលកំពុងរៀបចំនៅខេត្តប៊ីញភឿកហើយក្រុមចម្ការកៅស៊ូបឹងកេតបានយកឈ្នះក្រុមបញ្ជាការយោធាខេត្តប៊ីងយឿន៧ ទល់២ ។ ចំណែកនៅថ្ងៃនេះដល់វេនក្រុមខេត្តស្វាយរៀងនៅពូលA ប្រកួតវិញម្ដង។
នៅថ្ងៃទី២៤ ធ្នូ នេះត្រូវនឹងប្រកួតលើកទី២នៅពូលA ក្រុមខេត្តស្វាយរៀងជួបក្រុមម្ចាស់ផ្ទះគឺក្រុមបញ្ជាការយោធាខេត្តប៊ីងភឿកនៅម៉ោង ៣:៣០នាទីលើកីឡដ្ឋានក្នុងទឹកដីនៃខេត្តវៀតណាមមួយនេះ។ចំណែកមួយគូទៀតក្រុមChampasakរបស់ឡាវត្រូវប៉ះក្រុមកងពលធំលេខ៤ របស់វៀតណាមនៅវគ្គជម្រុះពូលA ដូចគ្នានៅវេលាម៉ោង ១:៣០នាទីរសៀល។
សរុបលទ្ធផលពូលA កាលពីប្រកួតដំបូងមាន៖
• ក្រុមខេត្តស្វាយរៀង៤ – ០Champasak
• ក្រុមបញ្ជាការយោធាខេត្តប៊ីងភឿក៩ – ០ ក្រុមកងពលធំ លេខ៤
សម្រាប់ចំណាត់ថ្នាក់បណ្ដោះអាសន្នមាន៖
ពូលA
១) បញ្ជាការយោធាខេត្តប៊ីងភឿកមាន ៣ ពិន្ទុ
២) ខេត្តស្វាយរៀង មាន៣ ពិន្ទុ
៣) Champasakមាន ០ពិន្ទុ
៤) កងពលធំលេខ៤ មាន ០ពិន្ទុ
ពូលB
១) ចម្ការកៅស៊ូបឹងកេតមាន ៣ ពិន្ទុ
២) យោធភូមិភាគលេខ៧ មាន៣ ពិន្ទុ
៣) អគ្គស្នងការនគរបាលជាតិមាន ០ ពិន្ទុ
៤) បញ្ជាការយោធាខេត្តប៊ីងយឿនមាន ០ ពិន្ទុ
លទ្ធផលរសៀលនេះនឹងកាត់សេចក្ដីថាតើ ស្វាយរៀង ឬបញ្ជាការយោធាខេត្តប៊ីងភឿកមានលទ្ធភាពឈរកំពូលតារាងពូលA?
© រក្សាសិទ្ធិដោយ thmeythmey.com