កីឡាជាតិ
ជាតិ
សាលាបាល់ទាត់ជាតិប៉ះក្រុមជប៉ុននៅព្រឹកនេះក្រោយបរាជ័យ២ ប្រកួតម្សិលមិញនៅថៃ ![](https://image.thmeythmey.com/pictures/2014/12/25/25122014102450cambodia.jpg)
×![]()
ក្រុមបាល់ទាត់សាលាបាល់ទាត់ជាតិរបស់កម្ពុជា ត្រូវប្រកួតជាមួយក្រុមNAGOYA Grampus របស់ជប៉ុននៅវេលាម៉ោង ១០:៣០នាទីព្រឹកថ្ងៃទី ២៥ ធ្នូនេះនៅកីឡដ្ឋានMahidol University Stadium ក្នុងក្រុងបាងកកនៃពានរង្វាន់U-14 ASEAN Dream Football Tournament ក្រោយប្រកួត២ លើកនៅថ្ងៃបើកឆាកពូលA ម្សិលមិញចាញ់ទាំង ២ លើក។
សម្រាប់លទ្ធផលសរុបនៅក្នុងពូលA ម្សិលមិញមាន៖
• NAGOYA Grampus ១ – ២Suphanburi
• Bangkok Glass FC ២ – ០ សាលាបាល់ទាត់ជាតិ
• NAGOYA Grampus ០ – ៣U-14 AICHI
• SCG Maungthong United 2 – 1 Bangkok Glass FC
• U-14 AICHI 3 – 0 សាលាបាល់ទាត់ជាតិ
ក្រៅពីប្រកួតនៅព្រឹកនេះក្រុមកម្ពុជា នៅសល់ ២ប្រកួតក្នុងដៃទៀតនៅវគ្គជម្រុះតាមពូលដោយត្រូវប៉ះក្រុមSuphanburiរបស់ថៃនៅម៉ោង៩ ព្រឹក និង បន្តជួបក្រុមMuangthong Unitedរបស់ម្ចាស់ស្រុកនៅម៉ោង ១:៣០នាទីរសៀលទៀត។
ពានរង្វាន់U-14 ASEAN Dream នេះរៀបចំចាប់ពីថ្ងៃទី២៤ ដល់ ២៦ ធ្នូសម្រាប់វគ្គប្រកួតជម្រុះតាមពូលដោយប្រើកីឡដ្ឋានMahidol University Stadium សម្រាប់ពូលA និងកីឡដ្ឋានThonburi University Sport Stadium សម្រាប់ពូលB។ចំណែកចន្លោះពីថ្ងៃទី២៨ និង ២៩ ធ្នូ ជាវគ្គប្រកួតជុំចុងក្រោយ(Final Round)។
ពានរង្វាន់នេះបង្កើតឡើងដើម្បីផ្លាស់ប្ដូរបទពិសោធន៍, មិត្តភាព, សាមគ្គីភាពរវាងកីឡាករក្មេងៗ របស់កម្ពុជា, ថៃ និង ជប៉ុនក្រោមកិច្ចប្រតិបត្តិការរវាងThai Premier League, Japan Dream Football AssociationនិងThonburiUniversity រួមទាំងគាំទ្រដោយក្រសួងការបរទេសជប៉ុន, ស្ថានទូតជប៉ុនប្រចាំប្រទេសថៃនិងASEAN-Japan Center។
អតីតកីឡាករខ្សែការពារជនជាតិជប៉ុនMasao Kiba ដែលធ្លាប់លេងនៅក្លិបGamba Osaka នៅJ-League ទូតសុច្ឆន្ទៈរបស់Japan Dream Football Associationនឹងធ្វើជាទួតសុច្ឆន្ទៈប្រចាំពានរង្វាន់នេះផងដែរ៕
© រក្សាសិទ្ធិដោយ thmeythmey.com