កីឡាអន្តរជាតិ
អន្តរជាតិ
Bayern ឈ្នះ Bundesliga ៥ឆ្នាំជាប់គ្នា រីឯ Sunderland ធ្លាក់ចេញពី Premier League ![](https://image.thmeythmey.com/pictures/2017/04/30/bayern_munich.jpg)
×![]()
Bayern Munich បានក្លាយជាម្ចាស់ជើងឯក Bundesliga របស់អាល្លឺម៉ង់ លើកទី៥ជាប់ៗគ្នា បន្ទាប់ពីពួកគេបានទទួលជ័យជម្នះ ៦-០ នៅទឹកដីរបស់ Wolfsburg។ នាថ្ងៃសៅរ៍ដូចគ្នា Sunderland ក្លាយជាក្រុមទីមួយដែលត្រូវធ្លាក់ពីក្របខណ្ឌ Premier League របស់អង់គ្លេស ក្រោយចាញ់ Bournemouth ១-០ នៅចុងម៉ោង រីឯ Granada ដែលដឹកនាំដោយអតីតវីរបុរស Arsenal លោក Tony Adam បានធ្លាក់ចេញពីក្របខណ្ឌ La Liga ផងដែរ។
Bayern Munich ដែលដឹកនាំដោយលោក Carlo Ancelotti ទទួលបានជោគជ័យដ៏ធំធេងលើម្ចាស់ផ្ទះ Wolfsburg ក្នុងលទ្ធផល ៦-០ ដែលស៊ុតបញ្ចូលទីដោយ David Alaba, Robert Lewandowski (២គ្រាប់), Arjen Robben, Thomas Muller និង Josh Kimmich។
ការនាំមុខដាច់រហូតដល់ទៅ១០គ្រាប់លើក្រុមលេខ២ RB Leipzig ពីការប្រកួត៣១លើក នាំឲ្យ Bayern Munich ក្លាយជាម្ចាស់ជើងឯក Bundesliga ៥សម័យកាលជាប់ៗគ្នា ដែលនេះជាកំណត់ត្រាមិនធ្លាប់មានពីមុន ហើយវាក៏ជាការឈ្នះជើងឯកសរុប២៧លើកផងដែរ។
នៅអង់គ្លេសឯណោះវិញ ការរងបរាជ័យលើកទី២៣ក្នុងចំណោមការប្រកួត៣៤លើក នាំឲ្យ Sunderland ក្រោមការដឹកនាំរបស់លោក David Moyes មានតែ២១ពិន្ទុប៉ុណ្ណោះ ដោយក្លាយជាក្រុមទីមួយដែលធ្លាក់ទៅលេងក្របខណ្ឌ Championship ។ រីឯ Brighton & Hove Albion និង Newcastle United នឹងលេងមកលេងក្របខណ្ឌកំពូលនៅរដូវកាលក្រោយ ស្របពេលដែល Wigan Athletic និង Rotherham United បន្តធ្លាក់ចុះទៅកាន់ League One។ បច្ចុប្បន្ន Chelsea និង Tottenham Hotspur ជាគូប្រជែងដ៏មុតស្រួចក្នុងការដណ្តើមជើងឯក Premier League ខណៈតោខៀវកំពុងមានប្រៀប៤ពិន្ទុ។
នៅក្នុងក្របខណ្ឌ La Liga របស់អេស្ប៉ាញ Barcelona និង Real Madrid នៅតែប្រដេញគ្នាសម្រាប់តំណែងជើងឯក ដោយពួកគេមាន៨១ពិន្ទុស្មើគ្នា ខណៈ Barcelona ប្រកួតបាន៣៥លើក រីឯ Real បាន៣៤លើក។ ក្រុមដែលធ្លាក់ចេញដោយស្វ័យប្រវត្តិទៅកាន់ Segunda Divison មាន Granada និង Osasuna។
នៅក្របខណ្ឌ Serie A អ៊ីតាលី Juventus កំពុងមានប្រៀប ដោយមាន៨៤ពិន្ទុពីការប្រកួត៣៤លើក ដែលប្រដេញតាមពីក្រោយដោយ Roma ដែលមាន៧៥ពិន្ទុពីការប្រកួត៣៣លើក។ Pescara ជាក្រុមទីមួយដែលធ្លាក់ទៅកាន់ Serie B នារដូវកាលក្រោយ។
រីឯនៅ Ligue 1 របស់បារាំង Paris Saint Germain បន្តប្រដេញតាមពីក្រោយ Monaco ដើម្បីប្រជែងយកជើងឯក។ ពីការប្រកួត៣៤លើក Monaco មាន៨៣ពិន្ទុ PSG មាន៨០ពិន្ទុ៕
© រក្សាសិទ្ធិដោយ thmeythmey.com