កីឡាអន្តរជាតិ
អន្តរជាតិ
ប្រឆាំងការរើសអើងជាតិសាសន៍ តែខុសច្បាប់កីឡា នាំឲ្យ Muntari រងពិន័យ១ប្រកួត
×![]()
ដោយ: ទេព ពិទូរ្យ
Sulley Muntari រងពិន័យមិនឲ្យប្រកួត១លើក ដោយសារដើរចេញពីទីលាន នាអំឡុងការប្រកួតក្របខណ្ឌលីកកំពូលអ៊ីតាលី Serie A កាលពីថ្ងៃអាទិត្យកន្លងទៅ។ ខ្សែបម្រើក្រុម Pescara រូបនេះ បានទទួលកាតលឿង បន្ទាប់ពីរូបគេប្រាប់អាជ្ញាកណ្ដាលឲ្យបញ្ឈប់ការប្រកួត ដោយសារតែមានការរើសអើងជាតិសាសន៍មកលើខ្លួន ពីសំណាក់អ្នកគាំទ្ររបស់ក្រុម Cagliari ។
គណៈកម្មាធិការវិន័យនៃក្របខណ្ឌកំពូលអ៊ីតាលី Serie A បានសម្រេចដាក់ពិន័យ Muntari ១ប្រកួត ដោយសារខ្សែបម្រើក្រុម Pescara រូបនេះ បានទាមទារឲ្យលោកអាជ្ញាកណ្ដាលបញ្ឈប់ការប្រកួត ព្រោះមានការរើសអើងមកលើខ្លួន នាការប្រកួតរវាង Cagliari និង Pescara។ ប៉ុន្តែការស្នើរបស់ កីឡាករសញ្ជាតិហ្គាណា វ័យ៣២ឆ្នាំរូបនេះ ត្រូវបានអាជ្ញាកណ្ដាលសញ្ជាតិអ៊ីតាលី ផ្តល់កាតលឿងឲ្យរូបគេទៅវិញ ដែលធ្វើឲ្យ Muntari សម្រេចចិត្តដើរចេញពីទីលានប្រកួតភ្លាមៗតែម្តង។
ការសម្រេចដាក់ពិន័យ១ប្រកួតនេះ ដោយសារគណៈកម្មាធិការយល់ឃើញថា ការដើរចេញពីទីលាន និងស្នើឲ្យបញ្ឈប់ការប្រកួត កណ្តាលទី រវាងក្រុមទាំងពីរ របស់ Muntari គឺមិនសក្តិសមនោះទេ ព្រោះមានអ្នកគាំទ្រប្រហែល១០នាក់ប៉ុណ្ណោះដែលបានស្រែករើសអើងជាតិសាសន៍ និងពណ៌សម្បុរទៅលើរូបគេនាការប្រកួតនោះ។ នេះបើតាម Channel News Asia ។
ទន្ទឹមនឹងនេះដែរក្រុម Lazio និង Inter Milan ក៏ត្រូវបានគេរកឃើញកំហុស នៃឥរិយាបថប្រកាន់ជាតិសាសន៍ ពីសំណាក់អ្នកគាំទ្ររបស់ពួកគេផងដែរនាអំឡុងពេលការប្រកួតកន្លងមក ហើយក្លិបទាំងពីរក៏ត្រូវបានព្រមានថានឹងប្រឈមមុខនឹងការបិទកីឡដ្ឋានថែមទៀត ប្រសិនបើមានការរើសអើងជាតិសាសន៍របស់អ្នកគាំទ្រនៅក្នុងការប្រកួតទៀតនោះ។
សូមបញ្ជាក់ថា ជុំវិញករណីរបស់ អតីតខ្សែបម្រើក្រុម Portsmouth និង Inter Milan ខាងលើ ឧត្តមស្នងការទទួលបន្ទុកសិទ្ធិមនុស្សអង្គការសហប្រជាជាតិ (UNHCR) លោក Zeid Ra'ad al-Hussein បានសាទរចំពោះទង្វើរបស់ Muntari ។ UNHCR បានហៅកីឡាករស្បែកខ្មៅនេះដូច្នេះថា៖« Muntari ជាអ្នកបំផុសគំនិតមួយ ដើម្បីយើងទាំងអស់គ្នា កុំឲ្យរើសអើងជាតិសាសន៍បន្តទៀត។ ហើយយើងនឹងគាំទ្រ និងទទួលយកជំហរមួយនេះជានិច្ច»៕
គណៈកម្មាធិការវិន័យនៃក្របខណ្ឌកំពូលអ៊ីតាលី Serie A បានសម្រេចដាក់ពិន័យ Muntari ១ប្រកួត ដោយសារខ្សែបម្រើក្រុម Pescara រូបនេះ បានទាមទារឲ្យលោកអាជ្ញាកណ្ដាលបញ្ឈប់ការប្រកួត ព្រោះមានការរើសអើងមកលើខ្លួន នាការប្រកួតរវាង Cagliari និង Pescara។ ប៉ុន្តែការស្នើរបស់ កីឡាករសញ្ជាតិហ្គាណា វ័យ៣២ឆ្នាំរូបនេះ ត្រូវបានអាជ្ញាកណ្ដាលសញ្ជាតិអ៊ីតាលី ផ្តល់កាតលឿងឲ្យរូបគេទៅវិញ ដែលធ្វើឲ្យ Muntari សម្រេចចិត្តដើរចេញពីទីលានប្រកួតភ្លាមៗតែម្តង។
ការសម្រេចដាក់ពិន័យ១ប្រកួតនេះ ដោយសារគណៈកម្មាធិការយល់ឃើញថា ការដើរចេញពីទីលាន និងស្នើឲ្យបញ្ឈប់ការប្រកួត កណ្តាលទី រវាងក្រុមទាំងពីរ របស់ Muntari គឺមិនសក្តិសមនោះទេ ព្រោះមានអ្នកគាំទ្រប្រហែល១០នាក់ប៉ុណ្ណោះដែលបានស្រែករើសអើងជាតិសាសន៍ និងពណ៌សម្បុរទៅលើរូបគេនាការប្រកួតនោះ។ នេះបើតាម Channel News Asia ។
ទន្ទឹមនឹងនេះដែរក្រុម Lazio និង Inter Milan ក៏ត្រូវបានគេរកឃើញកំហុស នៃឥរិយាបថប្រកាន់ជាតិសាសន៍ ពីសំណាក់អ្នកគាំទ្ររបស់ពួកគេផងដែរនាអំឡុងពេលការប្រកួតកន្លងមក ហើយក្លិបទាំងពីរក៏ត្រូវបានព្រមានថានឹងប្រឈមមុខនឹងការបិទកីឡដ្ឋានថែមទៀត ប្រសិនបើមានការរើសអើងជាតិសាសន៍របស់អ្នកគាំទ្រនៅក្នុងការប្រកួតទៀតនោះ។
សូមបញ្ជាក់ថា ជុំវិញករណីរបស់ អតីតខ្សែបម្រើក្រុម Portsmouth និង Inter Milan ខាងលើ ឧត្តមស្នងការទទួលបន្ទុកសិទ្ធិមនុស្សអង្គការសហប្រជាជាតិ (UNHCR) លោក Zeid Ra'ad al-Hussein បានសាទរចំពោះទង្វើរបស់ Muntari ។ UNHCR បានហៅកីឡាករស្បែកខ្មៅនេះដូច្នេះថា៖« Muntari ជាអ្នកបំផុសគំនិតមួយ ដើម្បីយើងទាំងអស់គ្នា កុំឲ្យរើសអើងជាតិសាសន៍បន្តទៀត។ ហើយយើងនឹងគាំទ្រ និងទទួលយកជំហរមួយនេះជានិច្ច»៕
Tag:
បាល់ទាត់
រើសអើងជាតិសាសន៍
Sulley Muntari
UN
© រក្សាសិទ្ធិដោយ thmeythmey.com
