កីឡាអន្តរជាតិ
អន្តរជាតិ
អ្នកប្រដាល់ Mayweather ចាប់ដៃជាមួយនាយកប្រតិបត្តិក្លិបបាល់បោះ LA Laker លោក Magic Johnson
×![]()
ដោយ: ទេព ពិទូរ្យ
Floyd Mayweather បង្ហាញអារម្មណ៍ចង់ទិញក្លិបបាល់បោះមួយក្នុងក្របខ័ណ្ឌ NBA ខណៈដែលកំពូលអ្នកប្រដាល់មិនដែលចាញ់របស់អាមេរិករូបនេះ បានបើកការចរចាជាមួយអតីតតារាបាល់បោះ Magic Johnson ដែលបច្ចុប្បន្នជានាយកប្រតិបត្តិក្លិប Los Angeles Lakers។
ម្ចាស់ខ្សែក្រវាត់ពិភពលោក៤ស្ថាប័នដែលប្រកាសចូលនិវត្តន៍ពីកីឡាប្រដាល់កាលពីឆ្នាំ២០១៥ បានបង្វែចំណាប់អារម្មណ៍របស់ខ្លួនទៅលើវិស័យកីឡាបាល់បោះវិញម្តង។ Mayweather បានបង្ហោះរូបមួយសន្លឹកនៅលើបណ្តាញសង្គមហ្វេសប៊ុកជាមួយអតីតវីរបុរសបាល់បោះ NBA និងបច្ចុប្បន្នជានាយកប្រតិបត្តិក្លិប Los Angeles Lakers លោក Magic Johnson ជុំវិញការចរចាទិញក្លិបបាល់បោះនៃក្របខណ្ឌកំពូលរបស់អាមេរិកនេះ។
«ខ្ញុំទើបតែបានជួបចរចារដ៏ធំមួយជាមួយ Magic Johnson។ វាជាពេលសម្រាប់ខ្ញុំដើម្បីទិញយកក្រុមបាល់បោះមួយក្នុងក្របខណ្ឌ NBA។ ប្រសិនបើអ្នក [Magic Johnson] ត្រៀមខ្លួនជាស្រេចក្នុងការលក់ក្រុមរបស់អ្នកមកឲ្យខ្ញុំ សូមទាក់ទងជាមួយនឹងខ្ញុំមក» នេះជាសារខ្លីដែល Mayweather បានបង្ហោះនៅលើហ្វេសប៊ុករបស់ខ្លួនកាលពីថ្ងៃទី៤ ខែឧសភា កន្លងទៅ។
សូមបញ្ជាក់ថា កំពូលអ្នកប្រដាល់វ័យ៤០ឆ្នាំរូបនេះក៏ធ្លាប់បានបង្ហោះរូបភាពមួយសន្លឹក ជាមួយនឹងប្រាក់រាប់ម៉ឺនដុល្លារអាមេរិកនៅលើភ្លៅក្នុងយន្តហោះផ្ទាល់ខ្លួនលើបណ្តាញសង្គម Instagram ផងដែរ ដោយអួតថាប្រាក់ទាំងនោះបានមកពីការភ្នាល់កីឡាបាល់បោះ NBA ៕
ម្ចាស់ខ្សែក្រវាត់ពិភពលោក៤ស្ថាប័នដែលប្រកាសចូលនិវត្តន៍ពីកីឡាប្រដាល់កាលពីឆ្នាំ២០១៥ បានបង្វែចំណាប់អារម្មណ៍របស់ខ្លួនទៅលើវិស័យកីឡាបាល់បោះវិញម្តង។ Mayweather បានបង្ហោះរូបមួយសន្លឹកនៅលើបណ្តាញសង្គមហ្វេសប៊ុកជាមួយអតីតវីរបុរសបាល់បោះ NBA និងបច្ចុប្បន្នជានាយកប្រតិបត្តិក្លិប Los Angeles Lakers លោក Magic Johnson ជុំវិញការចរចាទិញក្លិបបាល់បោះនៃក្របខណ្ឌកំពូលរបស់អាមេរិកនេះ។
«ខ្ញុំទើបតែបានជួបចរចារដ៏ធំមួយជាមួយ Magic Johnson។ វាជាពេលសម្រាប់ខ្ញុំដើម្បីទិញយកក្រុមបាល់បោះមួយក្នុងក្របខណ្ឌ NBA។ ប្រសិនបើអ្នក [Magic Johnson] ត្រៀមខ្លួនជាស្រេចក្នុងការលក់ក្រុមរបស់អ្នកមកឲ្យខ្ញុំ សូមទាក់ទងជាមួយនឹងខ្ញុំមក» នេះជាសារខ្លីដែល Mayweather បានបង្ហោះនៅលើហ្វេសប៊ុករបស់ខ្លួនកាលពីថ្ងៃទី៤ ខែឧសភា កន្លងទៅ។
សូមបញ្ជាក់ថា កំពូលអ្នកប្រដាល់វ័យ៤០ឆ្នាំរូបនេះក៏ធ្លាប់បានបង្ហោះរូបភាពមួយសន្លឹក ជាមួយនឹងប្រាក់រាប់ម៉ឺនដុល្លារអាមេរិកនៅលើភ្លៅក្នុងយន្តហោះផ្ទាល់ខ្លួនលើបណ្តាញសង្គម Instagram ផងដែរ ដោយអួតថាប្រាក់ទាំងនោះបានមកពីការភ្នាល់កីឡាបាល់បោះ NBA ៕
Tag:
កីឡាបាល់បោះ
NBA
Floyd Mayweather
© រក្សាសិទ្ធិដោយ thmeythmey.com
