បើតាមលោកវេជ្ជបណ្ឌិត ពន្លឺព្រះអាទិត្យ បានផ្ដល់វីតាមីនD ជួយដល់សុខភាពមនុស្ស ប៉ុន្តែនៅពេលសីតុណ្ណភាពក្ដៅខ្លាំងពេក អាចធ្វើឱ្យមានបញ្ហាប៉ះពាល់ទៅដល់សុខភាព។ លោកវេជ្ជបណ្ឌិត តាន់ តឹកស្រេង បានពន្យល់ដូច្នេះ «ក្ដៅខ្លាំងនេះ វាមកទាំង Ultra Violet មានបីក្រុម  A B និង C ។ ក្រុម A B គ្រោះថ្នាក់ជាងគេ។ វាចូលក្នុងស្បែកយើងលើសហើយ ធ្វើឱ្យខូចខាតទៅលើយើង ហើយបើចូលភ្នែក ឆាប់ឱ្យភ្នែកឡើងបាយ បើប៉ះស្បែកនឹងឱ្យស្បែកឆាប់ចាស់ និងកើតមហារីកស្បែក»។
 

ក្នុងពេលអាកាសធាតុកើនឡើងកម្ដៅនេះ លោកវេជ្ជបណ្ឌិត តាន់ តឹកស្រេង បានណែនាំឱ្យពលរដ្ឋត្រូវការពារសុខភាព ចៀសវាសត្រូវកម្ដៅថ្ងៃដោយផ្ទាល់។ ក្នុងករណីធ្វើដំណើរចេញក្រៅ ត្រូវស្លៀកសម្លៀកបំពាក់ជិតៗ ពាក់មួក វ៉ែនតា និងប្រើឡេការពារកម្ដៅថ្ងៃ៕