ចាប់តាំងពីខែវិច្ឆិកាឆ្នាំមុនមក ប្រទេសវៀតណាមបានពន្លឿនការពង្រីកទីតាំងនៅប្រជុំកោះ Spratly។ នេះបើយោងតាមរបាយការណ៍ដែលបានចេញផ្សាយនៅដើមខែមិថុនានេះដោយគម្រោងAsia Maritime Transparency Initiative (AMTI) នៅមជ្ឈមណ្ឌលសម្រាប់ការសិក្សាយុទ្ធសាស្ត្រ និងអន្តរជាតិដែលមានមូលដ្ឋាននៅរដ្ឋធានីវ៉ាស៊ីនតោន។

 

យោងតាមរបាយការណ៍នោះ វៀតណាមបានសាងសង់លើផ្ទៃដីសរុបចំនួន ២៨០ ហិកតានៅទូទាំង ទីតាំងចំនួន ១០ ដែលខ្លួនគ្រប់គ្រងនៅក្នុងប្រជុំកោះក្នុងឆមាសទីមួយនៃឆ្នាំ ២០២៤ ធៀបនឹងផ្ទៃដីសរុបចំនួន ៣០១ ហិកតា ក្នុងរយៈពេល ១១ ខែដំបូងនៃឆ្នាំ ២០២៣ និងផ្ទៃដីសរុបនៃឆ្នាំ ២០២២។

 

ទីក្រុងប៉េកាំងនៅតែគ្រប់គ្រងប៉ុស្តិ៍ធំជាងគេចំនួនបីនៅក្នុងប្រជុំកោះ Spratly ប៉ុន្តែដោយសារការបូមខ្សាច់ និងការចាក់បំពេញដីនាពេលថ្មីៗនេះ ទីក្រុងហាណូយបានគ្រប់គ្រងទីតាំងធំបំផុតចំនួនបួនបន្ទាប់ទៀត។ កោះធំជាងគេក្រោមការគ្រប់គ្រងរបស់ហ្វីលីពីននៅក្នុងប្រជុំកោះនេះគឺកោះ Thitu មានទំហំធំទីប្រាំបួន៕