ក្រសួងច្បាប់ និងសិទ្ធិមនុស្សរបស់ឥណ្ឌូណេស៊ី កំពុងរៀបចំដាក់ឱ្យប្រើប្រាស់លិខិតឆ្លងដែនថ្មី ដើម្បីអបអរសាទរទិវាជាតិលើកទី៨០ របស់ប្រទេសនៅថ្ងៃទី ១៧ខែសីហា ឆ្នាំ២០២៥។

 

តាមការបញ្ជាក់របស់ប្រធាននាយកដ្ឋានអន្តោប្រវេសន៍នៃក្រសួងច្បាប់ និងសិទ្ធិមនុស្ស លោក Silmy Karim នៅថ្ងៃទី២៩ ខែមិថុនា លិខិតឆ្លងដែនថ្មីមានការរចនា និងពណ៌ខុសពីបច្ចុប្បន្ន ហើយត្រូវបានរំពឹងថានឹងដាក់ឱ្យប្រើប្រាស់នៅថ្ងៃបុណ្យឯករាជ្យជាតិឆ្នាំ ២០២៤ ។

 

លោក Silmy Karim បានលើកឡើងថា ការរៀបចំ និងពណ៌ថ្មីនៃលិខិតឆ្លងដែនឥណ្ឌូណេស៊ី គឺមានបំណងជំរុញឱ្យមានការកែលម្អ និងវឌ្ឍនភាព។ លើសពីនេះ ការផ្លាស់ប្តូរលិខិតឆ្លងដែនមានគោលបំណងធ្វើឱ្យប្រសើរឡើងនូវមុខងារសន្តិសុខព័ត៌មាន និងគាំទ្រសិទ្ធិរបស់ប្រជាជនឱ្យកាន់តែប្រសើរឡើង។ ទាំងនេះគឺជាការផ្លាស់ប្តូរស្របតាមបទប្បញ្ញត្តិអន្តរជាតិដើម្បីបង្កើនសុវត្ថិភាពលិខិតឆ្លងដែន។

 

លិខិតឆ្លងដែនថ្មីរបស់ឥណ្ឌូណេស៊ីនឹងបន្ថែមមុខងារចាប់យករូបភាពបីទីតាំង។ មុខងារផ្សេងទៀតនឹងត្រូវបានប្រកាស និងធ្វើបច្ចុប្បន្នភាពទៅតាមវឌ្ឍនភាព។

 

បច្ចុប្បន្ននេះ លិខិតឆ្លងដែនឥណ្ឌូណេស៊ីមានពណ៌ខៀវតិចៗ ឬពណ៌ខៀវបៃតងសម្រាប់លិខិតឆ្លងដែនធម្មតា, ពណ៌បៃតងសម្រាប់លិខិតឆ្លងដែនផ្លូវការ និងពណ៌ខ្មៅសម្រាប់លិខិតឆ្លងដែនការទូត។ លិខិតឆ្លងដែនបច្ចុប្បន្នរបស់ឥណ្ឌូណេស៊ីមាននិមិត្តសញ្ញាបក្សី គ្រុឌពណ៌លឿង។

 

គិតត្រឹមខែមករា ឆ្នាំ២០២០ លិខិតឆ្លងដែនឥណ្ឌូណេស៊ីអនុញ្ញាតឱ្យចូលដោយមិនមានទិដ្ឋាការទៅកាន់ ៨៥ប្រទេស និងដែនដី៕