ជាតិ
វីដេអូ
ល្អាងស្ពាននៃតំបន់ភ្នំទាក់ទ្រាំង ជាគោលដៅទេសចរណ៍ថ្មីមួយទៀតក្នុងខេត្តបាត់ដំបង ![ល្អាងស្ពាននៃតំបន់ភ្នំទាក់ទ្រាំងជាគោលដៅទេសចរណ៍ថ្មីមួយទៀតក្នុងខេត្តបាត់ដំបង](https://image.thmeythmey.com/pictures/2024/05/12/12520241619c__1_.jpg)
ល្អាងស្ពាននៃតំបន់ភ្នំទាក់ទ្រាំងជាគោលដៅទេសចរណ៍ថ្មីមួយទៀតក្នុងខេត្តបាត់ដំបង
×![]()
បាត់ដំបង៖ ល្អាងស្ពាននៃតំបន់ភ្នំទាក់ទ្រាំង ជាគោលដៅទេសចរណ៍ដ៏អស្ចារ្យ ដែលមានមនុស្សរស់នៅ តាំងពីជាង ៧ ម៉ឺន ឆ្នាំមុន។ ទោះជាយ៉ាងណា កន្លែងទេសចរណ៍ដែលមានទីតាំងនៅឃុំត្រែង ស្រុករតនមណ្ឌល ខេត្តបាត់ដំបងមួយនេះ មិនមានទេសចរច្រើនទេដែលស្គាល់ និងទៅដល់ទីនោះ។
ដើម្បីជ្រាបច្បាស់សូមលោកអ្នកទស្សនាវីដេអូខាងក្រោម៖
លោក ហម អរុណ អនុប្រធានមន្ទីរទេសចរណ៍ខេត្តបាត់ដំបង លើកឡើងថា ស្ថានីយបុរេប្រវត្តិសាស្រ្ត ល្អាងស្ពាន នៃតំបន់ភ្នំទាក់ទ្រាំង គឺជាគោលដៅទេសចរណ៍ថ្មីមួយទៀត សម្រាប់ភ្ញៀវទេសចរណ៍ ទស្សនកិច្ចសិក្សាស្វែងយល់ ពីមនុស្សសម័យបុរេប្រវត្តិ ។ លោកបន្តថា អ្វីដែលពិសេស តាមការស្រាវជ្រាវ នៅតំបន់ល្អាងស្ពាន ជាភស្តុតាងមួយបង្ហាញពីប្រជាជាតិខ្មែរ រស់នៅលើទឹកដីនេះ តាំងពីរាប់ម៉ឺនឆ្នាំមកហើយ ។ លោកថា ភស្តុតាងទាំងនេះ ត្រូវបានរកឃើញ ដោយក្រុមអ្នកស្រាវជ្រាវ ធ្វើកំណាយ កន្លងទៅ ហើយឆ្នាំ ២០២៥ នឹងមានការធ្វើកំណាយបន្តទៀត ។
![](https://image.thmeythmey.com/pictures/2024/05/12/12520241619c__2_.jpg)
បើតាមក្រុមអ្នកធ្វើកំណាយ ក្នុងល្អាងភ្នំនេះ រកឃើញវត្ថុបុរាណជាច្រើន ដូចជា ថ្មបំបែក ,ថ្មរំលីង ,ភាជន៍ គ្រឿងសម្អាងកាយ (អង្កាំ កងដៃធ្វើពីថ្ម បន្តោងខ្សែក ធ្វើពីចង្កូមសត្វ )បំណែកឆ្អឹងសត្វ ព្រមទាំងផ្នូរសព ។
ដោយមើលឃើញចំណុចទាក់ទាញ នៃតំបន់ទេសចរណ៍នេះ ក្រសួងទេសចរណ៍ ក៏ដូចជាមន្ទីរ បានចុះសិក្សា គ្រោង រៀបចំ ទីតាំង ស្ថានីយ៍បុរេប្រវត្តិសាស្រ្ត ដូចជា ផ្លូវធ្វើដំណើរកាន់តែល្អ ជណ្តើរ ឡើង បង្គន់ និងកន្លែងសម្រាប់ផ្តល់ព័ត៌មាន ជាដើម៕
![](https://image.thmeythmey.com/pictures/2024/05/12/c__5_.jpg)
© រក្សាសិទ្ធិដោយ thmeythmey.com