ប្រាសាទព្រៃគី ស្ថិតនៅភូមិអណ្តោត ឃុំកណ្តោលជ្រុំ ស្រុក ពញាក្រែក ខេត្តត្បូងឃ្មុំ មានទំហំ ៤ម៉ែត្របួនជ្រុង និងមានកម្ពស់ ៧.៥ម៉ែត្រ ក្នុងសតវត្សរ៍ទី១០ រចនាបថកោះកេរ្តិ៍  ដោយរាជព្រះបាទជ័យវរ្ម័នទី៤​ ។ ក្នុងបទសម្ភាសជាមួយសារព័ត៌មានThmeyThmey25  លោក​ ពិន​ អំណត់ ប្រធានការិយាល័យបេតិកភណ្ឌ នៃមន្ទីរវប្បធម៌និងវិចិត្រសិល្ប:ខេត្តត្បូងឃ្មុំ  បានឱ្យដឹងថា  បច្ចុប្បន្នប្រាសាទនេះ នៅសល់កំពូលតែមួយប៉ុណ្ណោះ ដោយកំពូលពីរទៀតត្រូវបានដួលរលំពីការលួចជីកកោះកាយរកវត្ថុបុរាណ។ លើសពីនេះទួលប្រាសាទដែលនៅសល់ក៏ប្រឈមនឹងការពុកផុយផងដែរព្រោះនៅម្លប់មិនសូវត្រូវពន្លឺព្រះអាទិត្យ។ 
 

លោក​ ពិន​ អំណត់ បានបន្ថែមថា មន្ទីរវប្បធម៌ ក៏បានរៀបចំសម្អាតបន្ថែមគ្រប់ប្រាសាទទាំងអស់ទូទាំងខេត្ត ដែលស្ថិតនៅក្នុងការអភិរក្ស៕