កញ្ញា សឿន ចាន់ធូ បានដាំតាសក់នៅក្នុងផ្ទះសំណាញ់ ដែលមាន ទទឹង ១៥ម៉ែត្រ បណ្តោយ ២៣ម៉ែត្រ។ ជាប្រភេទដំណាំដែលពិបាកដាំ ប៉ុន្តែ កញ្ញា សឿន ចាន់ធូ បានដាំតាសក់ផ្អែមលើកទី១ ទទួលបានផលល្អ និងតម្រូវការទីផ្សារខ្ពស់ ព្រោះដាំមានបច្ចេកទេសត្រឹមត្រូវ និងស្តង់ដាខ្ពស់ ។
 

ជាកូនកសិករស្ថិតនៅក្នុង ភូមិស្នោ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ កញ្ញា សឿន ចាន់ធូ ជាមួយបងប្រុសពីរនាក់ទៀត រៀនចប់បរិញ្ញាបត្រជំនាញកសិកម្ម សហការគ្នាបង្កើតកសិដ្ឋានដាំបន្លែចម្រុះ និងលក់គ្រាប់ពូជ ក៏ដូចជាសម្ភារៈដាំបន្លែលើទឹក និងលើដី ។ 
 

កញ្ញា ចាន់ធូ កំពុងបន្តទទួលបានជោគជ័យទៅលើការដាំតាសក់ផ្អែម ដែលជិតបានប្រមូលផល ជាពិសេស កញ្ញាទទួលបានការបញ្ជាទិញពីអតិថិជន ៣០ភាគរយហើយ។ 

។ ថ្វីបើពិបាកដាំដុះ តែដំណាំមួយនេះ មានតម្លៃថ្លៃ ដោយក្នុងមួយ ១គីឡូក្រាមលក់បានតម្លៃ ៣ដុល្លារ ៕