កាលពីថ្ងៃទី២២ ខែមិថុនា ឆ្នាំ២០២៤ អាជីវកម្ម ស៊ីភី ហ្វ្រេសហ្សប ដែលជាអាជីវកម្ម ហ្វ្រេនឆាយរបស់ក្រុមហ៊ុនស៊ី.ភី. ត្រូវបានបើកសម្ពោធជាផ្លូវការដោយមាន លោកស្រី សឿង សេរី ចៅសង្កាត់ដង្កោ ជាភ្ញៀវកិត្តិយសក្នុងកម្មវិធី។ពិធីសម្ពោធនេះមានការអញ្ជើញចូលរួមពីថ្នាក់ដឹកនាំនៃក្រុមហ៊ុន ស៊ី.ភី. ខេមបូឌា ចំកាត់រួមមាន លោក Wittaya Kreangkriwit អគ្គនាយកគ្រប់គ្រងនៃក្រុមហ៊ុន ស៊ី.ភី. លោក Piyapat Wongsree ជំនួយការនាយករងអាជីវកម្មលក់ជ្រូកបំណែក និង លោកវេជ្ជបណ្ឌិត Poohrich Sinwat អនុប្រធានចាត់ការទូទៅការិយាល័យអាជីវកម្ម ស៊ីភី ហ្វ្រេសហ្សប ព្រមទាំងថ្នាក់ដឹកនំា បុគ្គលិកក្រុមហ៊ុនជាច្រើនរូបទៀត ។ 

 

លោកវេជ្ជបណ្ឌិត Poohrich Sinwat អនុប្រធានចាត់ការទូទៅការិយាល័យអាជីវកម្ម ស៊ីភី ហ្វ្រេសហ្សប បានមានប្រសាសន៍ថា៖ «បច្ចុប្បន្នយើងឃើញថាការធ្វើអាជីវកម្មមានការផ្លាស់ប្តូរយ៉ាងឆាប់រហ័ស មានអាជីវកម្មថ្មីៗជាច្រើនកំពុងលេចឡើង ហើយមានអាជីវកម្មជាច្រើនបានបាត់បង់ទៅវិញ។ ប៉ុន្តែអាជីវកម្មមួយដែលនៅតែជាអាជីវកម្មដែលមានសារៈសំខាន់សម្រាប់អ្នកបរិភោគនោះគឺអាជីវកម្មចំណីអាហារ។ អាហារត្រូវបានចាត់ទុកថាជាកត្តាសំខាន់មួយក្នុងជីវិត ប្រសិនបើយើងបានបរិភោគអាហារដែលល្អនោះយើងនឹងទទួលបានសុខភាពល្អថែមទាំងមានគុណភាពជីវិតដ៏ល្អ។»

 

លោកបន្ថែមទៀតថា៖ «អាជីវកម្ម ស៊ីភី ហ្វ្រេសហ្សប ជាអាជីវកម្មសម្រាប់លោកអ្នកដែលមានចំណាប់អារម្មណ៍ក្នុងការវិនិយោគអាចក្លាយជាម្ចាស់អាជីវកម្មផ្ទាល់ខ្លួន។ អាជីវកម្ម ស៊ីភី ហ្វ្រេសហ្សប (CP Fresh Shop) គឺជាប្រភេទអាជីវកម្ម ហ្វ្រេនឆាយ របស់ក្រុមហ៊ុន ស៊ី.ភី. ចែកចាយទំនិញ និងផលិតផលចំណីអាហារ រួមមានផលិតផលសាច់ជ្រូកស្រស់ សាច់មាន់ស្រស់ ពងមាន់ ប្រហិត និងប្រភេទអាហារផ្សេងៗទៀតពីរោងចក្រផលិតដែលមានស្តង់ដារពិភពលោក មានប្រភពច្បាស់លាស់និងមានអនាម័យសម្រាប់អ្នកបរិភោគ។» 
 

ជាចុងក្រោយលោកលោកវេជ្ជបណ្ឌិតក៏សូមថ្លែងអំណរគុណដល់ម្ចាស់អាជីវកម្មដែលជឿជាក់លើគុណភាពនៃផលិតផល ស៊ី.ភី. ហើយជ្រើសរើសសហការបើកអាជីវកម្មជាមួយក្រុមហ៊ុន ហើយក៏សូមអរគុណដល់អតិថិជនទាំងអស់សម្រាប់ការជួយគាំទ្រដល់អាជីវកម្ម ស៊ីភី ហ្វ្រេសហ្សប ( CP Fresh Shop) នេះ។

 

លោក Wittaya Kreangkriwit អគ្គនាយកគ្រប់គ្រងនៃក្រុមហ៊ុន ស៊ី.ភី. បានផ្តល់កិត្តិយសថ្លែងសុន្ទរកថាបើកក្នុងកម្មវិធី ដោយលោកបានមានប្រសាសន៍ថា៖ «សាច់ស្រស់ដែលយើងស្គាល់ពីប្រភពច្បាស់លាស់គឺជាគន្លឹះសំខាន់សម្រាប់សុខភាពកាន់តែប្រសើរ។ កាលដែលមិនស្គាល់ប្រភពនៃផលិតផលដែលគ្មានការធានាគុណភាពអាចជាមូលហេតុនៃបញ្ហាសុខភាព។ យើងសង្ឃឹមថា ស៊ីភី ហ្វ្រេសហ្សប ( CP Fresh Shop) ជាហាងមួយដែលផ្តល់ការជឿទុកចិត្តសម្រាប់ប្រជាជនកម្ពុជាក្នុងការទិញផលិតផលដែលមានគុណភាព។»

 

លោកស្រីបានបន្ថែមទៀតថា «លោកស្រីគាំទ្រអោយមានហាងបែបនេះអោយច្រើនបន្តទៀតព្រោះគាត់ចង់ឲ្យប្រជាជនមានសុខភាពល្អ ទទួលបានផលិតផលដែលមានប្រភបច្បាស់លាស់ មានអនាម័យនិងសុវត្ថិភាព។»

 

លោកស្រី ប៉ែន ស៊ុនសេរីវឌ្ឍនា ម្ចាស់ហាង ស៊ីភី ហ្វ្រេសហ្សប នៅខណ្ឌដង្កោបានមានប្រសាសន៍ថា ៖ «យើងជឿជាក់លើផលិតផល និងសេវាកម្មរបស់ក្រុមហ៊ុនស៊ី.ភី. ព្រោះគ្រប់ផលិតផលរបស់ក្រុមហ៊ុនមានគុណភាពល្អ និងសុវត្ថិភាពខ្ពស់។ ម្ចាស់អាជីវកម្មទទួលការបណ្តុះបណ្តាលអំពីការគ្រប់គ្រងអាជីវកម្ម និងប្រតិបត្តិការ រួមទាំងចំណេះដឹងបច្ចេកទេស។ ដូច្នេះហើយ យើងជឿជាក់ថា អាជីវកម្មនេះអាចផ្តល់នូវគុណតម្លៃសម្រាប់អ្នកប្រើប្រាស់ និងទទួលបានប្រាក់ចំណេញដល់គ្រួសាររបស់យើង។»

 

អាជីវកម្ម ស៊ីភី ហ្វ្រេសហ្សប កំពុងស្វែងរកដៃគូសហការ ដើម្បីវិនិយោគលើអាជីវកម្មហ្វ្រេនឆាយនៅក្នុងតំបន់សក្តានុពលជាច្រើន ជាពិសេសនៅក្នុងរាជធានីភ្នំពេញ និងតាមបណ្តាខេត្តនានា។ ស៊ីភី ហ្វ្រេសហ្សប ក៏មានបុគ្គលិកជំនាញក្នុងការផ្តល់ប្រឹក្សាអំពីអាជីវកម្ម ការបង្រៀន និងការធ្វើផ្នែកទីផ្សារសម្រាប់ការអភិវឌ្ឍន៍អាជីវកម្មនេះផងដែរ។
 

 

លោកអ្នកបានដឹង និងស្គាល់ហើយថាក្រុមហ៊ុន CPF ជាក្រុមហ៊ុនខ្នាតធំមួយដែលប្រតិបត្តិការអាជីវកម្មកសិ-ឧស្សាហកម្ម និងចំណីអាហារនៅប្រទេសថៃក៏ដូចជាបណ្តាប្រទេសជាច្រើនទៀត ស្ថិតក្រោមចក្ខុវិស័យ “ផ្ទះបាយពិភពលោក” ប្រកបដោយនិរន្តរភាព ដែលផ្តោតសំខាន់លើការប្រតិបត្តិអាជីវកម្មចំណីសត្វ (Feed) ការចិញ្ចឹមសត្វ  (Farm)  ចំណីអាហារ (Food)  និងការចែកចាយផលិតផល ទាំងការបោះដុំនិងលក់រាយ (Retail) ដោយឈរលើមូលដ្ឋានគ្រឹះប្រកបដោយទំនួលខុសត្រូវខ្ពស់ ចំពោះសង្គមជាតិ និងបរិស្ថាន ហើយអាជីវកម្មទាំងនោះគ្របដណ្តប់លើវិស័យជាច្រើន។ ក្រុមហ៊ុនស៊ី.ភី. ខេមបូឌា ចំកាត់ បានដំណើរការអាជីវកម្មនៅប្រទេសកម្ពុជាចាប់តាំងពីឆ្នាំ ១៩៩៦ រហូតមកដល់បច្ចុប្បន្ន។
 

ដូច្នេះដើម្បីក្លាយជាម្ចាស់ហាងផ្ទាល់ដែលមានប្រាក់ចំណូលប្រចាំថ្ងៃ ហ្វ្រេនឆាយ ស៊ីភី ហ្វ្រេសហ្សប (CP Fresh Shop) ជាជម្រើសដ៏ល្អមួយសម្រាប់អតិថិជន ដែលទើបនឹងចាប់ផ្តើមអាជីវកម្មថ្មី អតិថិជនដែលចាប់អារម្មណ៍ចង់បើកអាជីវកម្មជាមួយក្រុមហ៊ុន អាចទំនាក់ទំនងមកកាន់ហ្វេសប៊ុកផេក CP Cambodia Co.,Ltd. ឬ CP Fresh Shop និងទំនាក់ទំនងព័ត៌មានលម្អិតតាមរយៈទូរស័ព្ទលេខ០៩២ ៨៦៣ ៨៧៣ / ០៨៥ ៦១១ ៧៨៩ / ០៨៧ ៧១១៧៨៩ ។