ក្នុងការងារនេះ NCSD បានចេញដាក់ទស្សនទាន ៤ធំៗ ដូចជា ការកាត់បន្ថយបំពុលពីសំណល់ប្លាស្ទិកហូរចូលទីក្នុងបឹងទន្លេសាប និងកាត់បន្ថយពពួករុក្ខជាតិទឹកដែលរាតត្បាតក្នុងបឹង និងតំបន់ដីសើមជុំវិញ។ ជាពិសេសបង្កើតមុខរបរចិញ្ចឹមជីវិតបែបចម្រុះ ឬពិពិធកម្មរបរចិញ្ចឹមជីវិត នៅក្នុងមូលដ្ឋាន ដូចជា ការផ្តល់សេវាទេសចរណ៍ក្រៅពីការធ្វើរបរនេសាទត្រី ជាដើម។ 
 

ចុងក្រោយ គឺការស្តារព្រៃលិចទឹក និងតំបន់ដីសើមជុំវិញតំបន់ស្នូលនៃបឹងទន្លេសាប ដើម្បីធ្វើឱ្យបឹងទន្លេសាបកម្ពុជា មានផាសុកភាពឡើងវិញ ព្រោះថាបឹងទន្លេសាប គឺជាប្រភពប្រូតេអ៊ីន និងផ្តល់សារធាតុចិញ្ចឹមទៅដល់ពលរដ្ឋជាច្រើន និងជាផ្នែកមួយដ៏ចម្បងនៃសេដ្ឋកិច្ចជាតិផងដែរ៕