លោក ស្រី ស៊ីណា និងមនុស្ស២នាក់ទៀត ត្រូវបានសមត្ថកិច្ចបញ្ជូនទៅសាលាដំបូងរាជធានីភ្នំពេញ ដើម្បីអនុវត្តនីតិវិធីតាមច្បាប់ ជុំវិញករណីបាញ់សម្លាប់ និងបង្ករបួស ដល់ជនរងគ្រោះ៤នាក់ នៅខណ្ឌច្បារអំពៅ រាជធានីភ្នំពេញ កាលពីថ្ងៃទី១៧ មិថុនា។ ជនសង្ស័យ២នាក់ផ្សេងទៀត មានឈ្មោះ សាន សុខចំរើន អាយុ២៦ឆ្នាំ និងឈ្មោះ ទិន ទូច អាយុ២៦ឆ្នាំ ក៏ត្រូវបានបញ្ចូនទៅតុលាការដែរ ។ ពួកគេទាំងពីរនាក់នេះ ជាអ្នកដឹកឧកញ៉ា ស្រី ស៊ីណា ទៅធ្វើសកម្មភាព និងក្រោយធ្វើសកម្មភាព។
 

ជនរងគ្រោះទាំង៤នាក់ ក្នុងហេតុការណ៍នេះ រួមមានលោក ឡុង លីសុង និងកញ្ញា ឃីម កញ្ចនា ដែលជាគូដណ្ដឹងនឹងគ្នា បានបាត់បង់ជីវិត។ ចំណែកយុវជន សុខុម រ៉ាចាណៈ និង ហុង រិទ្ធធារ័ក្ស រងរបួសធ្ងន់ និងស្រាល។ ពួកគេទាំង៤នាក់ មានមុខរបរជាជាងថតរូប ស្នាក់នៅផ្ទះកើតហេតុខាងលើ៕