បទចម្រៀងចំណងជើងថា « FIRE» បានចេញជាផ្លូវការនៅថ្ងៃទី១០ ខែឧសភា ពោលគឺមុនពេលការប្រកួតកីឡាបាល់ទាត់ប្រចាំទ្វីបអឺរ៉ុប UEFA Euro នៅប្រទេសអាល្លឺម៉ង់ ចាប់ផ្តើមនៅថ្ងៃទី១៤ ខែមិថុនា ឆ្នាំ២០២៤។

 

វិចិត្រករតន្ត្រី ៣ក្រុម ក្នុងនោះមានក្រុមតន្ត្រីអេឡិចត្រូនិកអ៊ីតាលី MEDUZA ក្រុម OneRepublic របស់អាម៉េរិក និងអ្នកនិពន្ធបទចម្រៀងអាល្លឺម៉ង់ Leony បានសហការគ្នា បង្កើតបទចម្រៀង FIRE នេះឡើង។

 

លោក Ryan Tedder សមាជិកក្រុម OneRepublic ជាអ្នកនិពន្ធ រួមជាមួយ MEDUZA ជាអ្នកបញ្ចូលនិងច្នៃភ្លេងដ៏ពេញនិយម និងរួមទាំងការបញ្ចូលចម្រៀងបែប Pop របស់តារាចម្រៀងអាល្លឺម៉ង់នាង Leony ដែលបង្កប់ភាពក្លៀវក្លា និងស្មារតីនៃអ្នកគាំទ្របាល់ទាត់។