នាការប្រកួតជំនួបពូល D ក្រុមប៉ូឡូញ បានប្រកួតចាញ់ក្រោម​​ថ្វីជើងអូទ្រីស លទ្ធផល ៣-១ ហើយបានក្លាយជាក្រុមដែលធ្លាក់ចេញពីការប្រកួតដំបូងគេ ស្ថិតក្នុងទីក្រុងប៊ែរឡាំង។
 

ក្រុមមន្ត្រីប៉ូលីស បានទៅកាន់កន្លែងកើតហេតុនៅជិតច្រកទ្វារ Brandenburg ដើម្បីទប់ស្កាត់ការប៉ះទង្គិចគ្នា រវាងអ្នកគាំទ្រទាំងនោះ។ នៅពេលមន្ត្រីប៉ូលិសទៅដល់ អ្នកគាំទ្រកំពុងមានជម្លោះ នាំគ្នាយកដបស្រា និងដុំថ្មគប់លើមន្ត្រីប៉ូលិសទៀតផង​។
 

មន្ត្រីប៉ូលិសទីក្រុងប៊ែរឡាំង បង្ហាញសេចក្តីថ្លែងការណ៍របស់ខ្លួននៅលើបណ្តាញសង្គម X អតីត Twitter ដូច្នេះថា៖«ក្រុមការងាររបស់យើងបានប្រើកម្លាំងកាយសម្បទា ការប្រើប្រាស់ការបាញ់ឧស្ម័នបង្ហូរទឹកភ្នែក (Spray) និងដំបងក្នុងការបង្រ្កាបទៅលើក្រុមមនុស្សដែលបង្កជម្លោះ ថែមទាំងចាប់ខ្លួនមនុស្សមួយចំនួន។»។
 

បើតាមសម្តីរបស់អ្នកនាំពាក្យរបស់ស្ថាប័នប៉ូលិសទីក្រុងប៊ែរឡាំង ស្ថានការណ៍ត្រូវបានរារាំង និងទប់ស្កាត់ទាន់ពេល។ មិនត្រឹមតែប៉ុណ្ណោះ មន្ត្រីប៉ូលិស និងអ្នកគាំទ្រដែលបានរងរបួស ក្នុងហេតុការណ៍ ក៏ទទួលបានការព្យាបាលបឋមភ្លាមៗផងដែរ៕