ជារឿងគួរភ្ញាក់ផ្អើលចំពោះស្វ៊ីស ដែលធ្វើបានល្អក្នុងជំនួបទល់អាល្លឺម៉ង់ នៅរាត្រីថ្ងៃទី២៣ ខែមិថុនា។ Dan Ndoye ជាអ្នករកគ្រាប់បាល់នាំមុខឱ្យស្វ៊ីស នៅនាទី២៨ នៃវគ្គទី១ មុនពេល Niclas Füllkrug រកគ្រាប់តាមស្មើឱ្យម្ចាស់ផ្ទះវិញនៅនាទី៩០+២។
 

តាមរយៈលទ្ធផលស្មើនេះ បានជួយឥន្ទ្រីដែកបញ្ចប់ក្នុងចំណាត់ថ្នាក់កំពូលតារាងពូល A មាន៧ពិន្ទុ ស្របពេលស៊្វីសនៅលេខ២ មាន៥ពិន្ទុ និងឈានទៅវគ្គ១៦ក្រុមចុងក្រោយ។ 
 

ដោយឡែកមួយគូទៀតក្នុងពូល A នេះដែរ ហុងគ្រី បានយកឈ្នះស្កុតឡែនទាំងត្រដាបត្រដួសក្នុងលទ្ធផល ១-០ ដែលសម្រេចទីបានដោយ Kevin Csoboth នៅនាទី ៩០+១១។ ជ័យជម្នះមួយលើកចុងក្រោយ ជួយហុងគ្រីសល់ឱកាសប្រជែងចំណាត់ថ្នាក់លេខ៣ល្អចំណោម៤ក្រុម ដើម្បីទៅកាន់វគ្គខ្វែង។ ស្កុតឡែន បញ្ចប់ក្នុងចំណាត់ថ្នាក់បាតារាងដោយរកបាន១ពិន្ទុ។
 

បញ្ចប់ក្នុងចំណាត់ថ្នាក់លេខ១ក្នុងពូល A ក្រុមម្ចាស់ផ្ទះអាល្លឺម៉ង់ អាចប្រឈមជួបអង់គ្លេសនៅវគ្គ១៦ក្រុម។ នៅវគ្គ១៦ក្រុមចុងក្រោយ ក្រុមរបស់លោក Julian Nagelsmann ត្រូវជួបក្រុមលេខ២ពូល C ដែលអាចជាអង់គ្លេស ដាណឺម៉ាក ស្លូវេនី ឬស៊ែប៊ី។ លទ្ធផលពិន្ទុបណ្តោះអាសន្នក្នុងពូល C ក្រោយប្រកួតពីរលើក អង់គ្លេសមាន៤ពិន្ទុ ដាណឺម៉ាកមាន២ពិន្ទុ ស្មើស្លូវេនី និងស៊ែប៊ី នៅបាតតារាងមាន១ពិន្ទុ៕