ក្រោយពីប្រមូលផ្តុំហ្វឹតហាត់ជាច្រើនខែ ពេលនេះក្រុមបាល់ទាត់អាយុក្រោម ២០ឆ្នាំ កម្ពុជា បានធ្វើដំណើរទៅកាន់ការប្រកួតដណ្តើមកៅអី AVC លើកទី២២ ដោយប្រកួតតទល់ជាមួយក្រុមអាយុក្រោម ២០ឆ្នាំ វៀតណាម នៅក្នុងប្រទេសថៃ។ ក្រុមបាល់ទះអាយុក្រោម ២០ឆ្នាំ កម្ពុជា បានធ្វើដំណើរទៅប្រទេសថៃ កាលពីថ្ងៃទី២៣ ខែមិថុនា។
 

ជាការប្រកួតជម្រុះក្រុមក្នុងតំបន់អាស៊ីអាគ្នេយ៍ ក្រុមបាល់ទះ U20 កម្ពុជា នឹងមានភារកិច្ចប្រកួតតទល់ជាមួយ វៀតណាម តែមួយប៉ុណ្ណោះ ដើម្បីសម្រេចថានរណា នឹងបន្តដំណើរទៅក្នុងពូល D នៃការប្រកួត AVC លើកទី២២ ដែលធ្វើនៅប្រទេសឥណ្ឌូណេស៊ី។ 
  

២ក្រុមស្ថិតក្នុងពូល D ដែលអង្គុយរង់ចាំជាស្រេចរួមមាន ថៃ និងកូរ៉េខាងត្បូង ខណៈក្នុងពូលនេះក៏រង់ចាំក្រុមដែលឈ្នះការប្រកួតជម្រុះរវាងក្រុមមកពីតំបន់កណ្តាល កាហ្សាក់ស្ថាន ប្រជែង អ៊ូសបេគីស្ថាន។
 

សមាសភាពរបស់ក្រុមបាល់ទះ U20 កម្ពុជា ដែលទៅប្រកួតរួមមានកីឡាករ អុន សុវណ្ណរាជ ប្រធានក្រុម, យុន ខេមរៈ, សោម សិរីសម្បត្តិ, ស ពិសី, ខេង មិថុនា, លឹម ចិត្ត្រា, ឆោម ទីណា, គ្រុយ មេងហួរ, សយ រ៉ាស៊ីត, ណែក ផានិត, កែវ ស្រេងលីហួរ និង ហុក គីមហាន។
 

ប្រតិភូដឹកនាំក្រុមទៅកាន់ការប្រកួតមានលោក អាំង សិរីពិសិដ្ឋ អគ្គលេខាធិការសហព័ន្ធបាល់ទះកម្ពុជា (VFC) ជាអ្នកចាត់ការក្រុមដោយផ្ទាល់ រួមជាមួយនឹង ប៉េង សុវណ្ណនូ​ ជាមួយនឹងគ្រូបង្វឹកលោក Li Jun អមដោយជំនួយការ លោក សេង ងួន និងលោក នៀវ សាម៉េត៕