រដ្ឋបាលរាជធានីភ្នំពេញ បានណែនាំដល់រដ្ឋបាលខណ្ឌ សង្កាត់ គ្រឹះស្ថានសាធារណៈ វិស័យឯកជន អង្គការសង្គមស៊ីវិល ដៃគូរអភិវឌ្ឍន៍ជាតិ និងអន្តរជាតិ សហគមន៍មូលដ្ឋាន និងអ្នកពាក់ព័ន្ធទាំងអស់ ដែលរស់នៅក្នុងភូមិសាស្រ្តរាជធានីភ្នំពេញ ចូលរួមធ្វើអនាម័យ ដាំដើមឈើ និងវេចខ្ចប់សំរាម ឬកាកសំណល់ត្រឹមត្រូវ ជៀសវាងការដុត ឬបោះចោល មិនត្រឹមត្រូវតាមលក្ខណៈបច្ចេកទេស ដែលអាចបង្កការ ប៉ះពាល់ដល់សុខភាពមនុស្ស សត្វ និងគុណភាពបរិស្ថាន។ 
 

ទន្ទឹមនោះ សាធារណជនត្រូវចូលរួមផ្សព្វផ្សាយតាមរយៈសកម្មភាពអប់រំផ្សេងៗ មានជាអាទិ៍ ការនិពន្ធអត្ថបទ ផ្ទាំងរូបភាពនៅតាមសាលារៀន ការដាំដើមឈើ ការកែច្នៃសំណល់នានា យុទ្ធនាការសម្អាត និងចាត់ចែងធ្វើអនាម័យទាំងក្នុង និងក្រៅបរិវេណគ្រឹះស្ថានសាធារណៈ សាលារៀន វត្តអារាម និងមន្ទីរពេទ្យ ជាដើម។