បើតាមការចេញផ្សាយរបស់ក្រុមប្រឹក្សាអភិវឌ្ឍន៍កម្ពុជា (CDC) នៅថ្ងៃទី៩ ខែមិថុនា ក្នុងដំណើរទស្សនកិច្ចរបស់ សម្ដេច​ ហ៊ុន ម៉ាណែត នាយករដ្ឋមន្ត្រី នៅប្រទេសវៀតណាមកន្លងទៅ ក្រុមហ៊ុន Hung Hua Corporation បានចុះអនុស្សារណៈយោគយល់គ្នា(MoU) ជាមួយក្រុមហ៊ុន Rithy Granith Cambodia Co., Ltd. ក្នុងការវិនិយោគក្នុងវិស័យកែច្នៃកសិផល និងចំណីអាហារ។

បច្ចុប្បន្ន ក្រុមហ៊ុនមួយនេះ កំពុងជ្រើសរើសទីតាំងវិនិយោគ និងពន្លឿនការសិក្សាលើការជំរុញខ្សែច្រវ៉ាក់កែច្នៃផលិតផលសក្តានុពលនៅកម្ពុជា ដូចជា ស្វាយចន្ទី ស្វាយកែវរមៀត និងដំណាំកសិផលផ្សេងៗទៀត៕