ជាតិ
សម្តេច ហ៊ុន ម៉ាណែត៖«យើងត្រូវរួមគ្នាថែរក្សាសន្តិភាព ដែលបានដោយលំបាកបំផុត» ![](https://image.thmeythmey.com/pictures/2024/06/20/20620241745c.jpg)
×![]()
សម្តេច ហ៊ុន ម៉ាណែត នាយករដ្ឋមន្ត្រីកម្ពុជា បានអំពាវនាវដល់ប្រជាពលរដ្ឋគ្រប់រូប ឱ្យរួបរួមគ្នា ថែរក្សាសន្តិភាព ដែលកម្ពុជាទទួលបានដោយលំបាកឱ្យបានគង់វង្ស។
ក្នុងពិធីរំឭកខួបលើកទី៤៧ ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧ - ២០ មិថុនា ២០២៤ និងបញ្ចុះបឋមសិលាសាងសង់អគារទទួលភ្ញៀវ នៅតំបន់ប្រវត្តិសាស្ត្រយោធាតេជោកោះថ្ម X16 នៅខេត្តត្បូងឃ្មុំ នៅព្រឹកថ្ងៃទី២០ មិថុនានេះ សម្តេច ហ៊ុន ម៉ាណែត បានថ្លែងថា សន្តិភាព មានតម្លៃមិនអាចកាត់ថ្លៃបាន ហើយការបង្កើតបាននូវសុខសន្តិភាព គឺជារឿងដែលលំបាកបំផុត។
សម្តេច នាយករដ្ឋមន្ត្រីហ៊ុន ម៉ាណែត ថ្លែងដូច្នេះថា «សន្តិភាព មានតម្លៃជាទីបំផុត។ ការបំផ្លាញសន្តិភាព មិនពិបាកទេ តែការបង្កើតសន្តិភាព គឺពិបាកណាស់។ ពុំនោះសោត រាប់តំណមនុស្ស ពុំអាចបង្កើតសន្តិភាពបានដែរ។ អាស្រ័យហេតុនេះ យើងត្រូវសាមគ្គិគ្នា រួមចិត្តតែមួយ ដើម្បីថែរក្សាសន្តិភាពដែលបានដោយលំបាកបំផុត ឱ្យបានគង់វង្ស ស្ថិតស្ថិរ មិនឱ្យអនុភាពណាបំផ្លាញបានឡើយ ទោះបីជាក្នុងតម្លៃណាក៏ដោយ»។
រាជរដ្ឋាភិបាលកម្ពុជា នៅតែដឹងគុណ និងចង់ចាំជានិច្ច ចំពោះការលះបង់របស់ប្រជាពលរដ្ឋគ្រប់រូប កងកម្លាំងប្រដាប់អាវុធដែលបានពលិជីវិត ដើម្បីបុព្វហេតុជាតិ។ ការពលីរបស់ជនរួមជាតិ នៅគ្រប់ដំណាក់កាលប្រវត្តិសាស្ត្រ ជាការរួមចំណែកក្នុងការការពារបូរណភាពទឹកដី ការកសាងសុខសន្តិភាព និងស្ថិរភាពសង្គម។ នេះបើតាមប្រមុខរាជរដ្ឋាភិបាល។
© រក្សាសិទ្ធិដោយ thmeythmey.com