យោងតាមការចេញផ្សាយរបស់ក្រសួង រ៉ែ និងថាមពល កាលពីថ្ងៃទី២២មិថុនា មន្ត្រីជំនាញ និងរដ្ឋបាលខេត្តព្រះវិហារ បានចុះបង្ក្រាបនៅទីតាំងរ៉ែអនាធិបតេយ្យនៅតំបន់ឈើភ្លើង។ ក្នុងប្រតិបត្តិការនេះ មន្ត្រីជំនាញ បានបានបំផ្លាញអណ្តូងរ៉ែ ៣រណ្តៅ និងរោងស្នាក់នៅ១កន្លែង។ រណ្ដៅនីមួយៗនៃអណ្ដូងរ៉ែ មានទំហំ១ម៉ែត្រទៅ៥ម៉ែត្រ និងជម្រៅប្រមាណ៣ទៅ៥ម៉ែត្រ។

 

ពាក់ព័ន្ធនឹងករណីនេះ ក្រសួងរ៉ែ និងថាមពល បានអំពាវនាវប្រជាពលរដ្ឋ ដែលកំពុងធ្វើអាជីវកម្មរ៉ែអនាធិបតេយ្យ ឱ្យបញ្ឈប់រាល់សកម្មភាពខុសច្បាប់ទាំងនោះ។ ជាមួយគ្នាដែរ ក្រសួង ប្រាប់ឱ្យមហាជនរាយការណ៍ អំពីសកម្មភាពរ៉ែអនាធិបតេយ្យទៅក្រសួង ប្រសិនជួបករណីសង្ស័យ ដើម្បីចូលរួមទប់ស្កាត់ អាជីវកម្មរ៉ែអនាធិបតេយ្យ៕