«ការលើកឡើងមិនខុសទេ តែក៏មិនត្រឹមត្រូវដែរ»។ នេះបើតាមលោក កើត រិទ្ធ ដែលបានបន្ថែមថា ការធ្វើសន្និសីទកាសែតនេះ មិនមែនដើម្បីការពារតុលាការនោះទេ ព្រោះបើចៅក្រមធ្វើខុស, ចៅក្រមបំពានច្បាប់ នោះចៅក្រម ក៏នឹងត្រូវទទួលខុសត្រូវ ទាំងផ្លូវវិន័យ និងផ្លូវច្បាប់ផងដែរ។
 

តុលាការ និងចៅក្រម មិនមានសិទ្ធិចេញមុខបកស្រាយ និងធ្វើសន្និសីទកាសែត បង្ហាញសាធារណជន និងអ្នកសារព័ត៌មាន អំពីការសម្រេចណាមួយក្នុងសំណុំរឿងនោះទេ ព្រោះជាគោលការណ៍ច្បាប់ គឺមិនអនុញ្ញាតឱ្យស្ថាប័នអំណាចកំពូលមួយនេះ ធ្វើដូច្នេះឡើយ។ នេះបើតាមលោក កើត រិទ្ធ។
 

រដ្ឋមន្រ្តីយុត្តិធម៌ បានបន្ថែមថា៖«ហើយម្យ៉ាងទៀត រាល់សេចក្តីសម្រេចត្រូវឆ្លងកាត់តាមនីតិវិធីមួយច្បាស់លាស់ ដែលភាគីពាក់ព័ន្ធក្នុងសំណុំរឿង ប្រើប្រាស់រាល់ទឡ្ហីករណ៍នានា ដើម្បីការពារផលប្រយោជន៍ខ្លួនទៅតាមផ្លូវច្បាប់…»។
 

បើតាមលោក កើត រិទ្ធ ការធ្វើសន្និសីទកាសែតនេះ គឺចង់បង្ហាញដល់សាធារណជន ពីគោលជំហរ ចំណាការ និងការអនុវត្តវិធានការយ៉ាងម៉ឺងម៉ាត់ ក្នុងសំណុំរឿងនេះ៕