លោក សៅ សុខា ប្រធានគណៈកម្មការអន្តរក្រសួង បានដាក់ចេញវិញ្ញាសាប្រឡង ភ្ជាប់ខ្លឹមសារ និងអត្ថន័យពាក់ព័ន្ធព្រឹត្តិការណ៍ធំៗ ដូចជា ដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត រំដោះប្រទេសជាតិ និងសង្គ្រោះអាយុជីវិតប្រជាជនកម្ពុជា,  ការយកជីវិតធ្វើដើមទុនរបស់សម្តេច ហ៊ុន សែន ដែលបានចាកចេញពីកម្ពុជា នៅម៉ោង២១និង០០នាទី ថ្ងៃទី២០ ខែមិថុនា ឆ្នាំ១៩៧៧។  ការស្តារនិងកសាងប្រទេសកម្ពុជាឡើងវិញ ក្រោយមហាជ័យជម្នះថ្ងៃទី៧ ខែមករា ឆ្នាំ១៩៧៩,ការបញ្ចប់សង្គ្រាមនាំមកនូវសន្តិភាព និងការឯកភាពជាតិពេញលេញ តាមរយៈនយោបាយឈ្នះ ឈ្នះ ថ្ងៃទី២៩ ខែធ្នូ ឆ្នាំ១៩៩៨ និងទី៥ គឺការអភិវឌ្ឍប្រទេសកម្ពុជា លើកកម្ពស់ជីវភាពរស់នៅរបស់ពលរដ្ឋកម្ពុជា និងលើកស្ទួយកិត្យានុភាពកម្ពុជានៅលើឆាកអន្តរជាតិ នាពេលបច្ចុប្បន្ន។ 
 

ជ័យលាភីលេខ១ នឹងទទួលបានថវិកា៤លានរៀល, លេខ២ បាន៣លានរៀល , លេខ៣បាន២លានរៀល, លេខ៤ បាន១លានរៀល និងលេខ៥ ទទួលបាន៥០ម៉ឺនរៀល។ បេក្ខជន និងបេក្ខនារី អាចទទួលពាក្យនិងដាក់ពាក្យ ចាប់ពីថ្ងៃទី៨ ដល់១៦ ខែមិថុនា នៅនាយកដា្ឋន សៀវភៅនិងការអាន ក្រសួងវប្បធម៌និងវិចិត្រសិល្បៈ ដែលមានទីតាំងនៅសង្កាត់បឹងរាំង ខណ្ឌដូនពេញ រាជធានីភ្នំពេញ​ ឬទាកទងតាមលេខទូរសព្ទ ០១១ ៨៥០ ០៩៤, ០១២ ៨៣២ ២២៨, ០៨៨ ៨២៣ ៤៥៦ ៨៕