ក្រោយបំផ្លាញគ្រឿងញៀនជាង៤តោននេះហើយ មន្ត្រីជំនាញក៏នឹងបំផ្លាញសារធាតុគីមីផ្សំ ជាង៣ តោនទៀត តាមរយៈវិធីបន្សាប ដោយសារធាតុទាំងនេះជាអាស៊ីត ដូច្នេះមិនអាចបំផ្លាញដោយវិធីដុតបានឡើយ។ បើយោងតាមរបាយការណ៍ គ្រឿងញៀនដែលត្រូវដុតបំផ្លាញនេះ ស្ថិតក្នុងសំណុំរឿងចំនួន៥៤ករណី ដោយក្នុងនោះមានសាលក្រមស្ថាពរ និងសេចក្ដីសម្រេចមុនអង្គសេចក្ដី។
 

ពិធីដុតបំផ្លាញនេះ ក្រោមអធិបតីភាពលោក មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន រួមទាំងលោក ងួន ណារ៉ា ប្រធានសាលាដំបូងរាជធានីភ្នំពេញ និងលោក ច្រឹង ខ្មៅ ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ៕