អន្តរជាតិ
ព្យុះទីហ្វុងNoulវាយប្រហារនៅតំបន់ឦសានប្រទេសហ្វីលីពីន
×
កម្លាំងទឹកភ្លៀង និងខ្យល់កន្ត្រាក់ធំបានបក់បោកមកលើឆ្នេរសមុទ្រស្ថិតនៅទិសឦសានប្រទេសហ្វីលីពីន។បាតុភូតធម្មជាតិនេះ បានសម្លាប់មនុស្សចំនួន២នាក់ និងធ្វើឲ្យរងការខូចខាតផ្ទះសម្បែងរបស់ប្រជាពលរដ្ឋជាង3000ខ្នង។ បើតាមការឲ្យដឹងពីអ្នកជំនាញព្យុះនេះមានឈ្មោះថា ព្យុះ Noul។
ល្បឿននៃខ្យល់ព្យុះទីហ្វុងនោះគី១៦០គីឡូម៉ែត្រក្នុងមួយម៉ោងហើយកើនឡើងទៅដល់១៩៥កាលពីថ្ងៃចន្ទ។ បើយោងតាមការព្យាករណ៍អាកាសធាតុ ល្បឿនខ្យល់នឹងអាចផ្លាស់ប្តូរទិសទៅភាគខាងជើងក្នុងល្បឿន១៩គីឡូម៉ែត្រក្នុងមួយម៉ោងវិញ។
នៅថ្ងៃចន្ទនេះ ស្ថាប័នរបស់ប្រទេសអង់គ្លេសដែលទទួលបន្ទុកព្យាករណ៍អាកាសធាតុបានឲ្យដឹងថា វាជាប្រភេទនៃខ្យល់ព្យុះទីបួន ក្នុងចំនោមខ្យល់ព្យុះទាំងប្រាំដែលនឹងបោកបក់កាត់ប្រទេសហ្វីលីពីន។
នៅថ្ងៃអាទិត្យ ព្យុះទីហ្វុង Noul បានធ្វើឲ្យមានការប៉ះពាល់ដល់តំបន់មួយចំនួនក្នុងប្រទេសហ្វីលីពីនផង ជាពិសេសប៉ះពាល់ដល់ដំណាំកសិកម្ម នៅតំបន់Cagayan ដែលមានចម្ងាយប្រហែល ៤០០គម ភាគខាងជើងរដ្ឋធានី ម៉ានីល។
លោកចៅហ្វាយក្រុង Cagayan បានថ្លែងថា៖« ព្យុះទីហ្វុងថមថយឥទ្ធិពលបាត់ទៅក៏ដោយ ប៉ុន្តែមានបញ្ហាច្រើនដែលយើងត្រូវដោះស្រាយជាពិសេសការខូចខាតផ្ទះសម្បែង ផលដំណាំកសិកម្ម ដែលរងការបំផ្លាញដោយខ្យល់នេះ»។លោកបានបន្ថែមផងដែរថា ក្រោយខ្យល់ព្យុះទៅបាត់ អ្នកដែលត្រូវបានភៀសខ្លួនរកកន្លែងសុវត្ថិភាព នោះត្រូវបានត្រលប់ទៅទីលំនៅរបស់ពួកគេវិញដែរ។
ថ្វីបើខ្យល់ព្យុះទីហ្វុងបានបំផ្លិចបំផ្លាផ្ទះសម្បែង និងគំរាមកំហែងអាយុជីវិតមនុស្សក៏ពិតមែន តែវាក៏បានផ្ដល់នូវភាពវិជ្ជមានខ្លះផងដែរ។ ព្យុះនាំមកនូវភ្លៀងធ្លាក់ជោគជាំដែលវាអនុគ្រោះដល់ការដាំដំណាំកសិកម្ម ព្រោះកន្លងមកកសិករប្រឈមការលំបាដោយសារការអូសបន្លាយនៃរដូវក្ដៅនេះ។
គួរបញ្ជាក់ផងដែលថាប្រទេសហ្វីលីពីនតែងរងការវាយប្រហារដោយសារខ្យល់ព្យុះ ហើយរយៈពេលប៉ុន្មានឆ្នាំចុងក្រោយនេះ ខ្យល់ដែលឆ្លងកាត់ហ្វីលីពីនមានកម្លាំងខ្លាំងនិបង្កគ្រោះថ្នាក់ផងដែរ។ ដូចជាព្យុះហៃយ៉ានកន្លងមកបានសម្លាប់មនុស្សប្រហែល ៨០០០នាក់ហើយធ្វើឲ្យមនុស្សប្រហែល ១លាននាក់ទៀតបាត់បង់ផ្ទះសម្បែងកាលពីឆ្នាំ២០១។
ប្រែសម្រួលដោយ៖ រ៉េន សុភក្តិ
© រក្សាសិទ្ធិដោយ thmeythmey.com