ពីនេះ ពីនោះ
×![]()
ដោយ: ថ្មីៗ
សាច់ឈាមខ្ញុំខ្មែរ
(បទពាក្យ៧)
-សាច់ឈាមខ្ញុំខ្មែរអ្នកស្រែស្មោះ រស់កាប់កាយគាស់ពឹងធរណី
ពឹងភ្លៀងពឹងថ្ងៃប្រស់ជីវី ព្រឹក្សព្រៃគិរីទីទ្រនំ។
-ខ្ញុំខ្មែរថែកេរពូជក្សេមក្សាន្ដ រស់តាមមានបានយ៉ាងសុខុម
រក្សាសីលទានមានធម៌ព្រហ្ម ស្នាលស្និទ្ធភិរម្យជុំញាតិផៅ។
-ខ្មែរខ្ញុំស្លូតត្រង់មិនកោងកាច ពូជស៊ូអង់អាចគិតរាក់ជ្រៅ
ផ្លូវខុសចៀសឆ្ងាយជ្រើសផ្លូវត្រូវ តាមពាក្យប្រដៅប្រាជ្ញបុរាណ។
-សាច់ឈាមខ្ញុំខ្មែរថែរៀងមក ខ្មែររស់លើលោកជម្រកក្សាន្ដ
រស់សាងប្រយោជន៍ជាតិថ្កើងថ្កាន រស់តាមលំអានព្រះធម្មា៕
និពន្ធដោយ៖ហង្សផលា, កែសម្រួល៖ វិឆ័យសុភី
(បទពាក្យ៧)
-សាច់ឈាមខ្ញុំខ្មែរអ្នកស្រែស្មោះ រស់កាប់កាយគាស់ពឹងធរណី
ពឹងភ្លៀងពឹងថ្ងៃប្រស់ជីវី ព្រឹក្សព្រៃគិរីទីទ្រនំ។
-ខ្ញុំខ្មែរថែកេរពូជក្សេមក្សាន្ដ រស់តាមមានបានយ៉ាងសុខុម
រក្សាសីលទានមានធម៌ព្រហ្ម ស្នាលស្និទ្ធភិរម្យជុំញាតិផៅ។
-ខ្មែរខ្ញុំស្លូតត្រង់មិនកោងកាច ពូជស៊ូអង់អាចគិតរាក់ជ្រៅ
ផ្លូវខុសចៀសឆ្ងាយជ្រើសផ្លូវត្រូវ តាមពាក្យប្រដៅប្រាជ្ញបុរាណ។
-សាច់ឈាមខ្ញុំខ្មែរថែរៀងមក ខ្មែររស់លើលោកជម្រកក្សាន្ដ
រស់សាងប្រយោជន៍ជាតិថ្កើងថ្កាន រស់តាមលំអានព្រះធម្មា៕
និពន្ធដោយ៖ហង្សផលា, កែសម្រួល៖ វិឆ័យសុភី
Tag:
កំណាព្យ
© រក្សាសិទ្ធិដោយ thmeythmey.com
