អន្តរជាតិ
នយោបាយអន្តរជាតិ
ក្រុងវ៉ាស៊ិនតោន ព្រមានក្រុងព្យុងយ៉ាងបញ្ឈប់កម្មវិធីផលិតអាវុធនុយក្លេអ៊ែរបរមាណូ ![](https://image.thmeythmey.com/pictures/2015/09/16/_____________________________________________-____________________________________________________________.jpg)
×![]()
រដ្ឋាភិបាលក្រុងព្យុងយ៉ាង ត្រៀមបាញ់មីស៊ីលក្នុងចម្ងាយឆ្ញាយ និង ចាប់ដំណើរការនូវកម្មវិធីអាវុធនុយក្លែ អ៊ែរឡើងវិញ និង ថែមទាំងអួតអាងថា ខ្លួនរួចរាល់ចំពោះការប្រយុទ្ធជាមួយរដ្ឋាភិបាលក្រុងវ៉ាស៊ិនតោន។ សកម្មភាពនេះ បានធ្វើឲ្យក្រុងវ៉ាស៊ិនតោនប្រតិកម្ម ខ្លាំងនិង ទទួចឲ្យក្រុងព្យុងយ៉ាងបញ្ឈប់បង្កបញ្ហា ដោយគ្មានមូលហេតុជាបន្ទាន់។
ម្សិលមិញនេះ សហរដ្ឋអាមេរិក បានប្រតិកម្មខ្លាំង និង ព្រមានកូរ៉េខាងជើងបញ្ឈប់នូវសកម្មភាពបង្ក បញ្ហា ដែលគ្មានការទទួលខុសត្រូវរបស់ខ្លួនជាបន្ទាន់។ សេចក្តីថ្លែងការណ៍នេះ ធ្វើឡើងក្រោយពី ភា្នក់ងារសារព័ត៌មានជាតិកូរ៉េខាងជើង បានអះអាងថាកូរ៉េខាងជើង បានដំណើរការរោងចក្រផលិត អាវុធនុយក្លេអ៊ែរបរមាណូឡើងវិញ និង ថែមទាំងត្រៀមបាញ់មីស៊ីលចម្ងាយផងដែរនោះ។
លោក Josh Earnest អ្នកនាំពាក្យសេតវិមាន បានបញ្ជាក់ថា កូរ៉េខាងជើង គួរតែបញ្ឈប់ការបង្កបញ្ហា ដែលគ្មានហេតុផល ដែលគ្រាន់តែធ្វើឲ្យមានភាពតានតឹងក្នុងតំបន់កាន់តែអាក្រក់ប៉ុណ្ណោះ។ លោក បន្ថែមទៀតថា ក្រុងព្យុងយ៉ាង គួរបញ្ឈប់ទាំងសកម្មភាព និង ការថ្លែងការណ៍ ដែលគំរាមកំហែងដល់ ដល់សន្តិសុខ និង សន្តិភាព ហើយងាកមកផ្តោតលើការអនុវត្តកាតព្វកិច្ចអន្តរជាតិជំនួសវិញ។
សូមរម្លឹកផងដែរថា កាលពីម្សិលមិញ ភ្នាក់សារព័ត៌មានជាតិកូរ៉េខាងជើង KCNA បានបញ្ជាក់ថា កូរ៉េខាងជើង បានប្រតិបត្តិការឡើងវិញនូវកម្មវិធីផលិតអាវុធនុយក្លេអ៊ែរបរមាណូ។ ហើយការលើក ឡើងនេះ បានធ្វើឡើងបន្ទាប់ពីសមាជិកបក្សកម្មករដែលដឹកនាំដោយមេដឹកនាំកំពូលកូរ៉េខាងជើង លោក គីម ជុងអ៊ុន អះអាងថាកូរ៉េខាងជើង នឹងបាញ់មីស៊ីលចម្ងាយឆ្ងាយ ដើម្បីបញ្ជូនផ្កាយរណប ស៊ើបអង្កេតថ្មីរបស់ពិភពលោកផងដែរ។
តាមពិតទៅ កម្មវិធីផលិតអាវុធនុយក្លេអ៊ែបរមាណូ Yongbyon បានផ្អាកដំណើរការជាច្រើនដងហើយ ក្រោយពីមានកិច្ចព្រមព្រៀងមួយមានឈ្មោះថា«ជំនួយសម្រាប់ការគ្មានអាវុធ« របស់ភាគីប្រាំមួយ កាល ពីឆ្នាំ២០០៧ ។ ភាគីប្រាំមួយ រួមមាន អាមេរិក រុស្ស៊ី ចិន កូរ៉េខាងត្បូង ជប៉ុន និង កូរ៉េខាងជើង ។ យ៉ាងណាក៏ដោយ ការដំណើរកម្មវិធីផលិតបរមាណូស្របពេល ដែលអាមេរិក និង កូរ៉េខាងជើង កំពុងតែមានភាពតានតឹងជាមួយគ្នាស្រាប់នោះ គឺជាការគំរាមកំហែងមួយដល់សន្តិសុខនិង សន្តិភាព ពិភពលោក។
ជុំវិញបញ្ហានេះ គេបានសម្លឹងទុកជាមុនថា ជំនួបកំពូលរវាងអាមេរិក និង ចិន ដែលនឹងធ្វើឡើងនៅខែ ក្រោយនេះ នឹងលើកយកបញ្ហានុយក្លេអ៊ែរជារបៀបវារៈ។ ហើយ គេសង្ឃឹមថា វត្តមានមហាអំណាច ទាំងពីរ នឹងអាចជួយកាត់បន្ថយភាពតានតឹងនៅក្នុងឧបទ្វីបកូរ៉េ និង ការគំរាមកំហែងរបស់ ពិភពលោក ផងដែរ៕
© រក្សាសិទ្ធិដោយ thmeythmey.com