ពីនេះ ពីនោះ
តើប្រជាជនចំណេះដឹងខ្សោយ អាចធ្វើឲ្យមានរបៀបដឹកនាំបែបកុម្មុយនីស្តបានដែរឬទេ? ![](https://image.thmeythmey.com/pictures/2015/12/27/knowledge.jpg)
×![]()
ភ្នំពេញ៖ ប្រជាជនខ្លាំង ប្រទេសរីកចម្រើន ប្រជាជនមានចំណេះដឹង អ្នកដឹកនាំមិនហ៊ានធ្វើអ្វីតាមចិត្ត។ ប្រជាជនក្រីក្រច្រើន អាចបង្ករអសន្តិសុខសង្គម ព្រោះតែសេចក្ដីស្រេចឃ្លាន ប្រជាជនចំណេះដឹងទាបអ្នកដឹកនាំធ្វើអ្វីតាមអំពើរចិត្ត។ នេះជាអ្វីដែលគេមើលឃើញនៅក្នុងសង្គម។
ដោយសារនៅក្នុងសង្គម មនុស្សធ្វើការជាមួយមនុស្ស មានន័យថាមនុស្សមានអន្តរទំនាក់ទំនងគ្នា។ មនុស្សធ្វើការជាមួយវត្ថុ ព្រោះមនុស្សត្រូវរបស់ទាំងនោះដើម្បីសម្រួលការរស់នៅ និងប្រើប្រាស់។ មនុស្សធ្វើការជាមួយពេលវេលា ព្រោះពេលវេលាជាកត្តាកំណត់រយៈពេលការធ្វើកិច្ចការនានា និងការរស់នៅរបស់មនុស្ស។ មនុស្សធ្វើការជាមួយទីកន្លែង ព្រោះទីកន្លែងកំណត់ទីតាំងពិតប្រាកដរបស់មនុស្ស។ មនុស្សធ្វើការជាមួយស្ថានភាព ព្រោះគ្រប់ស្ថានភាពមិនដូចគ្នានោះទេ។ មនុស្សធ្វើការជាមួយបរិបទសង្គម ព្រោះពីមួយសម័យកាលទៅមួយសម័យសង្គមមានការផ្លាស់ប្ដូរ ប្រែប្រួលគ្រប់ពេល។
គ្រប់ស្ថានភាពទាំងនេះគឺសុទ្ធតែស្ថិតនៅក្រោមការគ្រប់គ្រងពីរដ្ឋ មិនថាជាការងារឯកជន និងរដ្ឋដូចគ្នា។ ប្រសិនបើសកម្មភាពរបស់មនុស្សមិនប្រកបដោយចំណេះដឹង និងស្ថានភាពសេដ្ឋកិច្ចទន់ខ្សោយ រូបភាពជិះជាន់ និងបំពាន់ពីសំណាក់មានអំណាច ជាពិសេស រដ្ឋ និងបំពានទៅលើអំណាចរបស់ប្រជាពលរដ្ឋដោយមិនកោតខ្លាច។ ពេលនោះរបៀបគ្រប់គ្រងបែបកុម្មុយនីស្ដនិងអាចកើតមានគ្រប់ពេល។
ហេតុនេះដើម្បីឲ្យដំណើការប្រជាធិបតេយ្យទទួលបានជោគជ័យ ហើយអាចវាយបំបាក់របៀបគ្រប់គ្រងបែបកុម្មុយនីស្ដ គឺត្រូវការជាចាំបាច់ប្រជាជនមានចំណេះដឹង មានសមត្ថភាពគ្រប់គ្រាន់ មានសេដ្ឋកិច្ចរឹងមាំដែលអាចផ្គត់ផ្គង់ខ្លួនឯងបាន។ ព្រោះសង្គម រដ្ឋ ប្រជាពលរដ្ឋ និងសេដ្ឋកិច្ច ចាំបាច់ត្រូវមានទំនាក់ទំនងគ្នាដើម្បីឲ្យដំណើការណ៍សង្គមមានប្រសិទ្ធភាព ឆ្ពោះទៅរកឧត្ដមភាពនៃសង្គម។
© រក្សាសិទ្ធិដោយ thmeythmey.com