ជាតិ
វីដេអូ
អ្នកស្រី ឡេង គឹមណាន ប្រាប់ពីរបៀបដាំផ្កាខាត់ណាឱ្យបានទិន្នផលល្អ ![អ្នកស្រី ឡេង គឹមណាន កសិករដាំផ្កាខាត់ណាក្នុងផ្ទះសំណាញ់ នៅស្រុកទឹកឈូ ខេត្តកំពត។](https://image.thmeythmey.com/pictures/2024/05/27/27520241720e.jpg)
អ្នកស្រី ឡេង គឹមណាន កសិករដាំផ្កាខាត់ណាក្នុងផ្ទះសំណាញ់ នៅស្រុកទឹកឈូ ខេត្តកំពត។
×![]()
កំពត៖ ផ្កាខាត់ណា ជាបន្លែពេញនិយមសម្រាប់ធ្វើម្ហូបអាហារបានច្រើនមុខ ប៉ុន្តែបន្លែប្រភេទនេះពិបាកដាំនៅកម្ពុជា។ អ្នកស្រី ឡេង គឹមណាន ជាកសិករដាំផ្កាខាត់ណាក្នុងផ្ទះសំណាញ់ នៅស្រុកទឹកឈូ ខេត្តកំពត។ មានបទពិសោធដាំបន្លែជាង១០ឆ្នាំ កសិកររូបនេះ បានឱ្យដឹងថាការដាំផ្កាខាត់ណា ពិបាកថែទាំ និងប្រើពេលយូររហូតដល់៣ខែទើបទទួលបានទិន្នផល។ បើតាមអ្នកស្រី គឹមណាន ដើម្បីដាំផ្កាខាត់ណាបានល្អ ត្រូវការបច្ចេកទេសដាំដុះ និងថែទាំយ៉ាងយកចិត្តទុកដាក់ចាប់ពីពេលចាប់ផ្ដើមដាំដុះរហូតដល់ពេលប្រមូលផល។
ដើម្បីជ្រាបច្បាស់សូមលោកអ្នកទស្សនាវីដេអូខាងក្រោម៖
កសិករ គឹមណាន បានប្រាប់ពីរបៀបដាំផ្កាខាត់ណាដូច្នេះ៖ «ដំបូងយើងត្រូវធ្វើដីឱ្យហ្មត់ហើយត្រូវកាប់ជង្ហុកដាក់ជីកំប៉ុស្តលាមកគោដាក់ពូជដាំថែវា។ បន្ទាប់មកយើងស្រោចជីត្រីបន្ថែមឱ្យឆាប់លូតលាស់ ពេលល្មមធំបន្ដិចអាចដាក់ជីកំប៉ុស្តម្ដងទៀតបន្ទាប់មកយើងត្រូវលើករងលុបគល់»។
កសិកររូបនេះ បានបន្ថែមថា ក្រោយពេលផ្កាខាត់ណាចេញផ្កាអ្នកស្រីត្រូវស្រោចជីត្រី ដើម្បីជួយឱ្យផ្កាឆាប់ធំ។ទន្ទឹមនោះ អ្នកស្រី គឹមណាន ត្រូវថែទាំដកស្មៅ រហូតដល់ពេលប្រមូលផល។
ការដាំដុះផ្កាខាត់ណាត្រូវប្រើរយៈពេលជាង៩០ថ្ងៃ ទើបទទួលបានផល។ កសិករវ័យ៤៨ឆ្នាំរូបនេះ បានអះអាងការដាំផ្កាខាត់ណា គួរដាំក្នុងផ្ទះសំណាញ់ទើបងាយថែទាំ ព្រោះបន្លែប្រភេទនេះ ត្រូវការទឹកច្រើន និងអាកាសធាតុត្រជាក់៕
Tag:
កសិកម្ម
ដាំផ្កាខាត់ណា
© រក្សាសិទ្ធិដោយ thmeythmey.com