កសិករ គឹមណាន បានប្រាប់ពីរបៀបដាំផ្កាខាត់ណាដូច្នេះ៖ «ដំបូងយើងត្រូវធ្វើដីឱ្យហ្មត់ហើយត្រូវកាប់ជង្ហុកដាក់ជីកំប៉ុស្តលាមកគោដាក់ពូជដាំថែវា។ ​បន្ទាប់មកយើងស្រោចជីត្រីបន្ថែមឱ្យឆាប់លូតលាស់ ពេលល្មមធំបន្ដិចអាចដាក់ជីកំប៉ុស្តម្ដងទៀតបន្ទាប់មកយើងត្រូវលើករងលុបគល់»។ 
 

កសិកររូបនេះ បានបន្ថែមថា  ក្រោយពេលផ្កាខាត់ណាចេញផ្កាអ្នកស្រីត្រូវស្រោចជីត្រី ដើម្បីជួយឱ្យផ្កាឆាប់ធំ។​ទន្ទឹមនោះ អ្នកស្រី គឹមណាន ត្រូវថែទាំដកស្មៅ រហូតដល់ពេលប្រមូលផល។ 
 

ការដាំដុះផ្កាខាត់ណាត្រូវប្រើរយៈពេលជាង៩០ថ្ងៃ ទើបទទួលបានផល។  កសិករវ័យ៤៨ឆ្នាំរូបនេះ បានអះអាងការដាំផ្កាខាត់ណា គួរដាំក្នុងផ្ទះសំណាញ់ទើបងាយថែទាំ ព្រោះបន្លែប្រភេទនេះ ត្រូវការទឹកច្រើន និងអាកាសធាតុត្រជាក់៕