ការសិក្សានេះ ផ្អែកលើកត្ដាចំនួនប្រាំពីរដែលរួមមាន តម្លៃសមរម្យ បរិយាកាសពន្ធអំណោយផល ភាពរួសរាយរាក់ទាក់ ចំណាប់អារម្មណ៍ចូលចិត្ត អាកាសធាតុអំណោយផល ការគោរពសិទ្ធិអចលនទ្រព្យ និងមានប្រព័ន្ធសុខភាពសាធារណៈដែលត្រូវបានអភិវឌ្ឍយ៉ាងល្អ។ ខាងក្រោមនេះ ជាប្រទេសចំនួន៥ ដែលផ្តល់ការរស់នៅដ៏ល្អ ក្នុងអំឡុងពេលចូលនិវត្តន៍។ 

 

 

ក្នុងចំណោមអ្នកដែលបានចូលរួមក្នុងការស្ទង់មតិដែលមានអាយុលើសពី ៤៥ ឆ្នាំ អេស្ប៉ាញ ត្រូវបានមើលឃើញថា ជាប្រទេសមានភាពរួសរាយរាក់ទាក់ អាកាសធាតុអំណោយផល និងមានវប្បធម៌ដែលងាយចុះសម្រុង។ កត្ដាទាំងនេះអនុញ្ញាតឱ្យជនបរទេស អាចមានការផ្លាស់ប្តូរកាន់តែរលូនសម្រាប់ការចូលនិវត្តន៍នៅទីនោះ។ 

 

អេស្ប៉ាញក៏ជាប្រទេសដែលត្រូវបានមើលឃើញថា អាចរស់នៅប្រកបដោយភាព​សប្បាយ ​រីក​រាយជាមួយ​នឹង​អាហារ​ដ៏​ឆ្ងាញ់ និង​ភាព​ទាក់​ទាញ​វប្បធម៌​ជា​ច្រើន។ 

 

បន្ថែមពីនេះ អេស្ប៉ាញមានទិដ្ឋាការមួយដែលធ្វើអោយការស្នាក់នៅមានភាពងាយ ស្រួលក្នុងការទទួលបានសម្រាប់អ្នកដែលចំណាយថវិកាយ៉ាងហោចណាស់ ៥៤ម៉ឺនដុល្លារ លើអចលនទ្រព្យនៅទីនោះ។

 

 

ប្រទេសមួយនេះត្រូវបានចាត់ទុកថាជាប្រទេសដែលមានភាពរីករាយ និងរួសរាយរាក់ទាក់ក្នុង ចំណោមអ្នកឆ្លើយសំណួរនៅវ័យ ៤៥ឆ្នាំឡើងទៅ ហើយជាកន្លែងកំពូលដែលអ្នកឆ្លើយ តបទាំងនោះបានបញ្ជាក់ថាពួកគេនឹងទៅរស់នៅ។ នូវែលសេឡង់ក៏ជាប្រទេសដែលមាន ទេសភាពស្អាតបំផុតមួយផងដែរ។

 

 

ជាមួយនឹងកេរ្តិ៍ឈ្មោះសម្រាប់ទេសភាពដ៏ស្រស់បំព្រង ការទាក់ទាញដោយទីតាំងភូមិសាស្រ្ត និងព្រមទាំងភាពរស់រាយរាក់ទាក់នៃប្រជាជននៅទីនោះ អូស្ត្រាលីទទួលបានការយកចិត្ត ទុកដាក់ខ្ពស់ក្នុងចំណោមអ្នកឆ្លើយសំណួរវ័យ ៤៥ឆ្នាំឡើងទៅ។ យ៉ាងណាមិញ ការចំណាយ លើការរស់នៅក្នុងទីក្រុងក្នុងប្រទេសនេះអាចជាការរារាំងសម្រាប់មនុស្សមួយចំនួន ខណៈ ដែលទោះបីការរស់នៅតាមជនបទក៏អាចមកជាមួយការចំណាយខ្ពស់ក៏ផងដែរ។

 

 

 

ព័រទុយហ្កាល់ត្រូវបានចាត់ទុកថាជាប្រទេសដែលមានតម្លៃសមរម្យបំផុតក្នុងចំណោមប្រទេសកំពូលទាំងប្រាំ ក៏ដូចជាប្រទេសកំពូលសម្រាប់អាកាសធាតុដ៏សមប្រកប។ អ្នកចូលរួមក្នុង ការស្ទង់មតិក៏មើលឃើញព័រទុយហ្កាល់ជាប្រទេសដែលមានវប្បធម៌ដែលបើកចំហផងដែរ។

រួមជាមួយនឹងតម្លៃរស់នៅទាបព័រទុយហ្កាល់ថែមទាំងមានរបបពន្ធដែលអាចមានប្រយោជន៍ សម្រាប់ជនបរទេសទៀតផង។

 

 

ស៊្វីស ជាប្រទេសល្អបំផុតសម្រាប់ការចូលនិវត្តន៍ប្រកបដោយផាសុកភាព។ អ្នកឆ្លើយការស្ទង់ មតិដែលមានអាយុលើសពី ៤៥ឆ្នាំចាត់ទុកថា ស៊្វីសមានបរិយាកាសពន្ធអំណោយផល និងការគោរពសិទ្ធិអចលនទ្រព្យដែលជាកត្តាសំខាន់សម្រាប់អ្នកចូលនិវត្តន៍ដែលមានកញ្ចប់សន្សំថវិកាដែលត្រូវពិចារណា។ ស៊្វីសក៏ជាប្រទេសកំពូលទាំង ១០ ទាក់ទងនឹងការមានប្រព័ន្ធ សុខភាពសាធារណៈដែលត្រូវបានអភិវឌ្ឍយ៉ាងល្អផងដែរ៕