តាមរយៈការចុះផ្សាយរបស់ AFC លើគេហទំព័រផ្លូវការរបស់ខ្លួននៅថ្ងៃទី២០ ខែមិថុនានេះ ក្រុមជើងឯកលីគកំពូលកម្ពុជាព្រះខ័នរាជស្វាយរៀង រួមទាំងក្រុម៥ទៀតក្នុងតំបន់ខាងកើត មាន Madura United FC របស់ឥណ្ឌូណេស៊ី Shan United FC របស់មីយ៉ាន់ម៉ា Tainan City FC របស់ឆាយន្នីសតៃប៉ិ ក្រុមពីលីគកំពូលឡាវ Young Elephants FC និងមួយក្រុមទៀតពីលីគកំពូលម៉ុងហ្គោលី ទទួលបានកៅអីស្វ័យប្រវត្តិទៅកាន់វគ្គចែកពូល AFC Challenge League រដូវកាល ២០២៤-២៥។
 

AFC Challenge League រដូវកាលដំបូង មាន១៨ក្លិបចូលរួម ដោយចែកចេញជាពីរតំបន់ ខាងលិច និងខាងកើត។ ខាងលិចមាន១២ក្រុម ចែកចេញជា៣ពូល ក្នុងមួយពូល៤ក្រុម និងខាងលិចមាន៦ក្រុម ចែកជាពីរពូល ក្នុងមួយពូលមាន៣ក្រុម។ 
 

ក្នុងចំណោម១៨ក្រុម មានតែ៤ក្រុមប៉ុណ្ណោះត្រូវប្រកួតជម្រុះ play-off ក្នុងនោះមាន FC Abdysh-Ata (កៀហ្ស៊ីស៊ី) Church Boys United (នេប៉ាល់) Paro FC (ប៊ូតង់) និង Attack FC (អាហ្វហ្គានីស្ថាន)។
 

ពានរង្វាន់កម្រិតទី៣ក្នុងតំបន់អាស៊ីនេះ នឹងចាប់ឆ្នោតវគ្គចែកពូលនៅថ្ងៃទី២២ ខែសីហា នៅទីស្នាក់ការ AFC ហើយការប្រកួតប្រជែងវគ្គចែកពូល នឹងចាប់ផ្តើមពីចន្លោះថ្ងៃទី ថ្ងៃទី២៦ ខែតុលា និងថ្ងៃទី២ ខែវិច្ឆិកា។ ៦ក្រុមពីតំបន់ខាងកើត និង២ក្រុមពីតំបន់ខាងលិច នឹងបន្តទៅជួបគ្នានៅវគ្គ៨ក្រុមចុងក្រោយ៕