ជាតិ
×![]()
ដោយ: ថ្មីៗ
នៅក្នុងឆ្នាំ២០១៥នេះ អ្នកកាសែតនៃសារព័ត៌មានអេឡិចត្រូនិកថ្មីៗ (www.thmeythmey.com) បានចេញដំណើរទៅយកព័ត៌មាននៅបរទេសចំនួន១៨លើកនៅអឺរ៉ុប អាមេរិក និងនៅអាស៊ី ជាពិសេសប្រទេសនៅក្នុងតំបន់អាស៊ាន។ សារព័ត៌មានថ្មីៗ ដែលត្រូវបានបង្កើតឡើងនៅពាក់កណ្តាលឆ្នាំ២០១២ បានទទួលការគាំទ្រយ៉ាងលឿនពីអ្នកអាន។
អ្នកកាសែតនៃសារព័ត៌មានថ្មីៗចំនួន១០នាក់ បានចេញដំណើរទៅចូលរួមក្នុងវគ្គបណ្តុះបណ្តាល ចុះយកព័ត៌មាន និងទស្សនកិច្ចនៅក្នុងព្រឹត្តិការណ៍អន្តរជាតិចំនួន១៨លើកនៅក្នុងឆ្នាំ២០១៥នេះ។ ស្ថានទូតសហរដ្ឋអាមេរិក ឥណ្ឌា ម៉ាឡេស៊ី កូរ៉េខាងត្បូង សហភាពអឺរ៉ុប ថៃ និងរុស្ស៊ីប្រចាំប្រទេសកម្ពុជា និងភ្នាក់ងារអន្តរជាតិមួយចំនួនទៀតដែលមានមូលដ្ឋាននៅបរទេស បានផ្តល់តម្លៃ និងសេចក្តីទុកចិត្តលើសារព័ត៌មានថ្មីៗ ដោយបានអញ្ជើញអ្នកកាសែតនៃសារព័ត៌មានថ្មីៗ ចូលរួមក្នុងវគ្គសិក្សាខ្លី និងយកព័ត៌មានក្នុងព្រឹត្តិការណ៍ស្តីពី យុវជន ទេសចរណ៍ ពាណិជ្ជកម្ម និងសារព័ត៌មាន។
តាមរយៈការខិតខំប្រឹងប្រែងនៃអ្នកកាសែតវ័យក្មេង និងជាអ្នកស្រឡាញ់វិជ្ជាជីវៈសារព័ត៌មានពិតប្រាកដនោះ សារព័ត៌មានថ្មីៗ ក៏បានទទួលការគាំទ្រកាន់តែច្រើនពីអ្នកអានក្នុងប្រទេស និងក្រៅប្រទេស អង្គការក្រៅរដ្ឋាភិបាល និងក្រុមហ៊ុនឯកជននានាផងដែរ។
ខាងក្រោមនេះជារូបភាពនៃអ្នកកាសែតសារព័ត៌មានថ្មីៗនៅក្នុងព្រឹត្តិការណ៍នៅបរទេស៖
លោក គី សុខលីម បានបំពេញបេសកកម្មនៅប្រទេសជប៉ុន និងម៉ាឡេស៊ី
លោក លាង ដឺលុច បានបំពេញបេសកកម្មនៅប្រទេសម៉ាឡេស៊ី
លោក អ៊ឹង ចំរើន បានបំពេញបេសកកម្មនៅសហរដ្ឋអាមេរិក ឥណ្ឌា និងវៀតណាម
លោក សៅ ផលនិស្ស័យ បានបំពេញបេសកកម្មនៅប្រទេសកូរ៉េខាងត្បូង ឥណ្ឌា និងថៃ
លោក ជា ធីរិទ្ធ បានបំពេញបេសកកម្មនៅប្រទេសរុស្ស៊ី និងថៃ
លោក រឿន ភារុន បានបំពេញបេសកកម្មក្នុងប្រទេសកូរ៉េខាងត្បូង (២លើក)
លោក ជាវ សំណាង បានបំពេញបេសកកម្មនៅប្រទេសចិន និងម៉ាឡេស៊ី
កញ្ញា ខន ចំប៉ា បានបំពេញបេសកកម្មនៅប្រទេសថៃ
លោក រំដួល ចិត្រា បានបំពេញបេសកកម្មនៅប្រទេសម៉ាឡេស៊ី
លោក តន ចាន់រិទ្ធារ៉ា នៅប្រទេសថៃ
© រក្សាសិទ្ធិដោយ thmeythmey.com
