ជំរឿន២០១៩ បង្ហាញថា គ្រួសារខ្មែរ៨៤ភាគរយប្រើប្រាស់អគ្គិសនីជាប្រភពបំភ្លឺ

ជាតិ

ជំរឿន២០១៩ បង្ហាញថា គ្រួសារខ្មែរ៨៤ភាគរយប្រើប្រាស់អគ្គិសនីជាប្រភពបំភ្លឺ

29, Jan 2021 , 7:29 pm

រូបភាព

ដោយ: រួបរួម

គ្រួសារនៅកម្ពុជាភាគច្រើនប្រើប្រាស់អគ្គិសនីបណ្តាញសម្រាប់បំភ្លឺ។ នេះបើតាមរបាយការណ៍ជាតិស្តីពីលទ្ធផលចុងក្រោយនៃជំរឿនទូទៅប្រជាជននៅកម្ពុជាឆ្នាំ២០១៩។

អត្ថបទទាក់ទង

លទ្ធផលជំរឿន៖ កម្ពុជាមានពលរដ្ឋជាង១៥លាននាក់ ដោយស្រីច្រើនជាងប្រុស

របាយការណ៍បង្ហាញថា ប្រមាណ៨៤ភាគរយនៃគ្រួសារនៅកម្ពុជាប្រើប្រាស់បណ្តាញអគ្គិសនី ដែលរួមមានអគ្គិសនី បណ្តាញ ម៉ាស៊ីនភ្លើង និងទាំងពីរប្រភព។ តួលេខនេះ មានកំណើន២៦.៤ភាគរយ បើប្រៀបធៀបទៅនឹងឆ្នាំ២០០៨។

បើគិតចំនួនគ្រួសារនៅតំបន់ទីប្រជុំជនដែលប្រើប្រាស់អគ្គិសនីមានប្រមាណ៩៧ភាគរយ និងជនបទមាន៧៦ភាគរយ។ តួលេខនេះ បញ្ជាក់ថា រយៈពេលជាងមួយទសវត្សរ៍នេះ ភាគច្រើនលើសលប់នៃគ្រួសារកម្ពុជាប្រើប្រាស់អគ្គិសនីជាប្រភពបណ្តាញ។

តាមរបាយការណ៍ជំរឿន គ្រួសារនៅកម្ពុជាមានជាង៣.៥៥លានគ្រួសារ ដោយក្នុងនោះជាង១.៣២លានគ្រួសារនៅទីប្រជុំជន និងជាង២.២២លានគ្រួសារនៅទីជនបទ។ គ្រួសារដែលប្រើប្រាស់អគ្គិសនីបណ្តាញ មាន៧៩.៦៣ភាគរយ (ទីប្រជុំជន៩២.២៥ភាគរយ ជនបទ៧២.០៩ភាគរយ), ម៉ាស៊ីនភ្លើង១.៥២ភាគរយ, ប្រេងកាត០.៦៣ភាគរយ, ទៀន ០.២៩ភាគរយ, អាគុយ-ថ្មពិល ១៣.៤៤ភាគរយ និងប្រភពផ្សេងទៀត ១.៦១ភាគរយ៕