អត្ថបទពាណិជ្ជកម្ម
វីងម៉លណែនាំទីផ្សារអេឡិចត្រូនិកដល់អតិថិជន ដើម្បីទិញទំនិញបានដោយសុវត្តិភាព ហើយមានឱកាសឈ្នះរង្វាន់ទូរសព្ទដៃ និងម៉ូតូថែមទៀត
×![]()
ដោយ: សារព័ត៌មានថ្មីៗ
វីងម៉ល បានកំពុងក្លាយជាទីផ្សារទំនិញតាមអនឡាញ ធំជាងគេនៅព្រះរាជាណាចក្រ ក្នុងការផ្តល់នូវបទពិសោធន៍ថ្មី និងកាន់តែងាយស្រួល។ ការទិញទំនិញតាមអនឡាញ ដែលកំពុងកើនឡើងនេះ ភាគច្រើនត្រូវបានទទួលការគាំទ្រដោយអ្នកទិញវ័យក្មេង ដែលកំពុងប្រើប្រាស់សេវាកម្មឌីជីថល ហើយពាណិជ្ជកម្មអេឡិចត្រូនិក នឹងក្លាយជាវិស័យមួយទៀត ដែលរះនៅក្នុងប្រទេសកម្ពុជា។
លោក សាក់សាម ស៊ូបាម នាយកគ្រប់គ្រងអាជីវកម្មទីផ្សារអេឡិចត្រូនិក មានប្រសាសន៍ថាការទិញទំនិញតាមអ៊ីនធឺណិត ជានិន្នាការថ្មីមួយនៅកម្ពុជា។ លោក ស៊ូបាម បន្តដោយជឿជាក់ថា វីងម៉ល មានឱកាសផ្តល់នូវអត្ថប្រយោជន៍ដល់ប្រជាជនគ្រប់រូប ឲ្យពួកគេអាចកាត់បន្ថយភាពតានតឹង ជាមួយបទពិសោធន៍ការទិញទំនិញ នៅហាងដោយផ្ទាល់ ដោយមិនចាំបាច់ធ្វើដំណើរ ហើយពួកគេនឹងមានពេលវេលាកាន់តែច្រើន ជាមួយក្រុមគ្រួសារ និងការងារ។
លោក សាក់សាម ស៊ូបាម បញ្ជាក់ថា៖«អតិថិជនរបស់យើង មិនចាំបាច់ទៅហាងដោយផ្ទាល់ ឬប្រើក្រដាសប្រាក់ទៀតឡើយ។ ផ្ទុយទៅវិញ ពួកគេគ្រាន់តែប្រើម្រាមដៃចុចលើទូរស័ព្ទ នោះទំនិញទាំងអស់ នឹងត្រូវបានដឹកជញ្ជូនដល់មាត់ទ្វារគេហដ្ឋានរបស់ពួកគេ យ៉ាងឆាប់រហ័ស»។
ចាប់តាំងពីបើកដំណើរការសាកល្បង នៅខែតុលាឆ្នាំមុន មកដល់ពេលនេះ វីងម៉ល មានហាងល្បីៗប្រមាណ១០០០កន្លែង ដែលបានចូលរួមដាក់លក់ទំនិញរាប់ពាន់ប្រភេទ ដោយរួមមាន៖ អាហារ ភេសជ្ជៈ គ្រឿងទេស គ្រឿងអេឡិចត្រូនិក ប្រដាប់ប្រដាក្មេងលេង ផលិតផលថែរក្សាសម្រស់ និងទំនិញជាច្រើនមុខផ្សេងទៀត។ លើសពីនេះទៅទៀត មានបុគ្គលិកដឹកជញ្ជូនចំនួន ៥០០នាក់ ត្រូវបានដាក់បញ្ចូលបន្ថែមជាមួយបុគ្គលិក វីងម៉ល ដើម្បីធានាថា រាល់ការកម្មង់ និងដឹកជញ្ជូនគឺរហ័សទាន់ពេល។
លោក សាក់សាម បន្តថា៖«គោលដៅរបស់យើង គឺផ្តល់សិទ្ធិអំណាចដល់អាជីវករតូចៗ អាចមានកន្លែងលក់ផលិតផលរបស់ពួកគេ និងជួយពួកគេអាចទទួលបានអតិថិជនថ្មីៗ ក្នុងអំឡុងពេលនៃជំងឺរាតត្បាតនេះ។ យើងនឹងមិនយកតម្លៃជើងសារច្រើនហួសហេតុ ចំពោះហាងដៃគូយើងឡើយ។ វីង នឹងគិតកម្រៃតាមអត្រាធម្មតា និងកម្រិតសមស្របមួយ ដើម្បីទ្រទ្រង់កិច្ចការខ្លួន ហើយយើងនឹងអនុញ្ញាតឲ្យហាងដៃគូអាជីវកម្មទាំងអស់ អាចមានទំនាក់ទំនងជាមួយអ្នកប្រើប្រាស់ កម្មវិធីស្មាតហ្វូនវីង រាប់លានអ្នក»។
អ្នកប្រើប្រាស់ទាំងអស់ អាចកុម្ម៉ង់ ដោយគ្រាន់តែចូលទៅក្នុងកម្មវិធីស្មានហ្វូនវីង បន្ទាប់មកជ្រើសរើស “វីងម៉ល” លោកអ្នកនឹងឃើញជម្រើសហាងរាប់រយ ហើយអាចបញ្ជាទិញបានយ៉ាងស្រួល។
ដើម្បីជួយដៃគូពាណិជ្ជកម្មរបស់ខ្លួន ឲ្យដំណើរការជាធម្មតា ក្នុងអំឡុងពេលដ៏ពិបាកនេះ វីងម៉ល បានដាក់ឲ្យដំណើរការនៅភ្នំពេញ ហើយអតិថិជន នឹងអាចរីករាយជាមួយការដឹកជញ្ជូនទំនិញទាំងអស់ ដោយឥតគិតថ្លៃ។
អ្នកទិញទំនិញតាម វីងម៉ល អាចសន្សំយកពិន្ទុ WingPoints ដែលជាការបន្ថែមជូនដ៏ពិសេសរបស់ធនាគារឯកទេសវីង។ ដោយមានការបន្ថែមអត្ថប្រយោជន៍ អតិថិជនអាចសន្សំពិន្ទុ WingPoints រាល់ពេលទិញទំនិញជាធម្មតា។ បន្ទាប់មក ពួកគេអាចប្រើពិន្ទុទាំងនោះ ប្តូរយកទំនិញជាច្រើន ពីហាងដៃគូរបស់វីងម៉ល បានយ៉ាងស្រួល។
សម្រាប់អតិថិជនវីង ដែលសន្សំបាន៥០០ពិន្ទុ ក្នុងមួយសប្តាហ៍ ពួកគេនឹងមានឱកាសឈ្នះរង្វាន់ទូរស័ព្ទដៃ iPhone 12 Pro មួយគ្រឿង ហើយអ្នកដែលសន្សំបាន៥០០០ពិន្ទុ ក្នុងមួយខែ ក៏អាចមានឱកាសឈ្នះរង្វាន់ម៉ូតូហុងដា Zoomer X មួយគ្រឿងផងដែរ។
សម្រាប់អាជីវករ ដែលមានចំណាប់អារម្មណ៍ ចុះឈ្មោះចូលរួមជាមួយវីងម៉ល អាចទាក់ទងមកលេខទូរស័ព្ទ+ 855 078 311 311៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
